Pikir • 08 Jeltoqsan, 2021

Elbasy amanaty

93 ret kórsetildi

Elbasynyń «Táýelsizdik taǵylymy» maqalasyn oqyp otyryp, tolǵanystaryna tebirenip, birge suhbat qurǵandaı áserde boldym. Bostandyq pen azattyqty ańsaǵan qazaq memleketin qurý jaýapkershiligi taǵdyryna jazylǵan tulǵanyń bul joly halqyna syryn aqtaryp, tolǵanǵan kúıi erekshe tebirenispen áser etti. Saıasattaǵy baısaldy ustanymnyń arqasynda Qazaq eli óz bıigin baǵyndyrǵany aqıqat.

О́tkenge oı júgirte otyryp, qoǵam sanasyn­daǵy silkinistiń zańdy ekenine de kelisesiń. Qoǵamdyq sana, ulttyq namys, otanshyldyq, ultjandylyq qasıetke ulttyń oıanyp, jeti­lýine jol ashyldy. О́tkir syn, ádildik, aqıqat búginniń oljasy ǵana emes, satylaı jetilýdiń úlgisi boldy.

Elbasy: «Táýelsizdik bizge ońaı kelgen joq. Aldyn ala oılastyrýmen, zor uıym­das­tyrý­­shylyqpen, qapysyz daıyndyqpen keldi», dedi.

Ushar shyńnyń basynan betegedegini kórip, beldeýdegini tanyǵan, ańdysqanǵa aılaly, dostasqanǵa adaldyqty tabandap, esesin jibermeı, el-jurtynyń tilegin tý etken Elbasynyń jan syryn, arman-úmitine ortaqtastyq. Keı sátte eriksiz kóńil de tolqydy, sebebi Qazaqstannyń júrip ótken joly, shyqqan bıigi tarıhqa aınaldy. El táýelsizdigin alǵan­daǵy alǵashqy atoı salǵan sezim­di bastan keshirgen bizder ol kezde 27 jasta edik. Táýelsizdik – ár qazaq balasynyń boıyna jalyndaǵan senim, bolashaqqa úmit, arman ákeldi. Sol úmit, arman alǵa jetelep, jańa múm­kindikterge qol jetkizdi. Ol kezdi qazirgi kúnmen salystyrý múmkin de emes edi. Qaryshtap damyp bara jatqan adamzat dáýiriniń bul kúnde bir kúninen bir kúni ozyp tur. Osy kezeńde Qazaqstan óz jolyn tańdady, tarıhı tańdaýyn jasady.

Eliniń basynan ótken tarıhı taǵdyrly kezeńin sabaqtaı otyryp, Elbasy táýelsiz eldiń bolashaǵyna senim artypty. Elbasy ádildik úshin aqıqat jolynda ótkir syndy da aıtty, basyn báıgege de tikti. Qan­daı saıası dramalar bolsyn, jeriniń bútindigi, halqy­nyń beıbitshiligin janyna jalaý etti. Halyq beıbit jolmen damydy, kóshbasshysyna sendi. Qaýipti shatqaldardan yńǵaıly jol tapty, asýlardan aman ótti. Shekarasy shegendelgen qazaqtyń Eýropa elderine, Parsy shyǵanaǵyna, Úndi, Atlant jáne Tynyq muhıt­qa tikeleı shyǵý múmkin­digine qol jetkizdi. Qazaq­stan eýroazııalyq transkon­tınentaldi kólik kópirine aınaldy. Adam aıtsa sengisiz mundaı armanǵa qol jetkizý múmkin bolmastaı kórinetin.

Ulttyq qor men altyn-valıýta qory jasaqtalmaǵanda keshegi el basyna tóngen qaterli, qaýipti pandemııadan aman shyǵa alar ma edik. Maqalada osynyń barlyǵy tarqatylady.

Bir qaraǵanda qazaqtyń alań­daýyna sebep joq sııaq­ty kóringenimen, kıeli táýel­sizdik­ti máńgilik saqtaý kúres­kerlik pen jetilý­di talap ete beredi. Bolashaqtyń úlesi de, she­shimi de áldeqaıda salmaqty bolmaq. Tut­qıyldan soǵyp, tóte­den qabyldanǵan tosyn she­shimdeı kóringenimen, júz ólshep, bir kes­ken, myń túıip, bir tarqatqan sheshimi de ta­rıh­qa aınaldy. Elbasy «Táýel­sizdik taǵyly­my» maqala­synda: «Otyz jylǵa jýyq el bas­qarǵan kezimde men qansh­ama azamatty serik etip, kópte­gen shákirt tárbıeledim. Solar­­dyń ishinde Úkimet basqar­ǵan, Birikken Ult­tar Uıymy Bas hatshysynyń orynbasa­ry ret­inde jahandyq saıasat­qa jetiktigin tanyt­qan, táýelsiz­diktiń alǵashqy jyldarynan bas­tap qasymnan tabylǵan naǵyz patrıot, jo­ǵary bilik­ti kásipqoı tulǵa Qasym-Jomart Kemel­uly Toqaevty Prezı­denttik qyzmet­ke usyn­dym. Saılaýda basym kópshiligi ony qol­dady. Osy­laısha biz halqymyzdyń aýyzbir­ligin, saıa­sattaǵy sabaqtastyǵymyzdy kúlli álem qaýym­dastyǵyna taǵy bir qyrynan tanyta bildik», deıdi.

Elbasy Gorbachev pen El­sın­ arasyndaǵy saıa­­sı teketires shegine jetken sol kezde Qazaq­stan tarapynan jiberilgen jalǵyz qateliktiń ózi orny tolmas tragedııaǵa ákelip soqtyrýy ábden múmkin ekendigin kóregendikpen aıtady. Saıasattyń qyl kópirinen súrinbeı ótken ákki saıasatker, kóshbasshy Qazaqstannyń taǵ­dyryn da, halqynyń taǵ­dyryn da: «Men oǵan senemin! Ol adal!» dep eki aýyz sózben túıip aıtty.

Elbasy «Alda alar asýlarymyz ben baǵyndyrar bıikterimiz de, yqtımal syn-qaterler de az emes» ekenin de eskertedi. Iyqty keńge salar zaman qaı kezeńde de bolǵan emes. Úsh on jyldyqty eńsergen eldiń aldynda aıaldaýdy kúttirmeıtin, jankeshti jetilýdiń, órleý men damýdyń jańa ańǵary jol saldy. Indýstrııalyq-ınno­vasııalyq damýdyń jańa keze­ńi bastalǵanyn jáne ol bú­gingi jańa býynnyń úlesine tıgen uly betburystar bolatynyna toqtalǵan. «Táýelsizdik te ba­qyt sııaqty, baǵalaǵan adam­nyń, aıalaǵan qoǵamnyń qolyn­da turaqtaıdy». Bul – Elbasynyń bolashaqqa aıtqan amanaty.

 

Roza MUQANOVA,

jazýshy, Memlekettik syılyqtyń laýreaty

Sońǵy jańalyqtar

Elimizde taǵy 4 adamnan koronavırýs anyqtaldy

Koronavırýs • Búgin, 10:41

Ustazdyń aty ólmeıdi

Bilim • Búgin, 10:30

Karapastyń qarqyny kúshti

Sport • Búgin, 10:29

«Kaspıı» kósh bastady

Sport • Búgin, 10:27

Medısınalyq poıyzdar jolǵa shyqty

Medısına • Búgin, 10:17

Tórtinshi orynda qalyp qoıdy

Sport • Búgin, 08:59

«Jas daryn» baıqaýy ótti

Aımaqtar • Búgin, 08:58

Elıtadaǵy ornyn saqtap qaldy

Hokkeı • Búgin, 08:55

«Jasyl» ósim ornyqty damýǵa jeteleıdi

Ekologııa • Búgin, 08:52

Jarqyn beınesi jadymyzdan óshpeıdi

Qazaqstan • Búgin, 08:50

Adaldyq pen shyndyqty shyraq etti

Qazaqstan • Búgin, 08:48

Kóshelerde sý kólkimeýi úshin...

Ǵylym • Búgin, 08:44

Daıyndyq jumystary júrip jatyr

Referendým-2022 • Búgin, 08:35

Jastar jaýapty tańdaý jasaýǵa daıyn

Referendým-2022 • Búgin, 08:30

Bul – ózekti máseleni birlesip sheshý joly

Referendým-2022 • Búgin, 08:28

Halyq pen bıliktiń úılesimi

Referendým-2022 • Búgin, 08:25

Bolashaq zańgerlermen kezdesti

Referendým-2022 • Búgin, 08:18

Erteńge degen senimdi oıatady

Referendým-2022 • Búgin, 08:15

52 elde 65 ýchaskelik komıssııa quryldy

Referendým-2022 • Búgin, 08:10

Uıymdastyrý men ótkizý jumystary pysyqtaldy

Referendým-2022 • Búgin, 08:06

Salyq túsimderi byltyrǵydan joǵary

Ekonomıka • Búgin, 08:00

Uqsas jańalyqtar