Ekologııa • 08 Jeltoqsan, 2021

«Jasyl el» bastamalaryn qoldaý mańyzdy

110 ret kórsetildi

Nur-Sultan qalasynda «Jasyl el» jastar eńbek jasaq­­tary keńesiniń basshysy Álııa Nazarbaevanyń tóraǵa­lyǵymen osy keńestiń II otyrysy ótti. Is-shara uıymnyń XVII jumys maýsymynyń jabylýy men el Táýelsizdiginiń 30 jyl­dyǵyn merekeleý aıasynda ótkizildi.

Jıynda «Jasyl el» uıy­mynyń bıylǵy jylǵy ju­mys qorytyndylary men alda­ǵy jyldyń maqsattary tal­qylanyp, sheshimin kútken túıtkildi máseleler qaraldy. Keńes tóraǵasy Álııa Nazar­baevanyń aıtýynsha, 2021 jyldyń 5 sáýirinde ótken Keńes­tiń I otyrysynan ke­ıin uıymnyń aldynda Shym­kenttegi «Jasyl el» qyzmetin qarjylandyrý jáne «Jasyl eldiń» medıa boıynsha ju­mysyn kúsheıtý mindeti tur­dy. Álııa Nazarbaeva eki tap­syrmanyń da oıdaǵydaı oryn­dalǵanyn baıandap, aımaq­tyq shtab ókilderine atqarǵan jumystary úshin alǵysyn bildirdi. Sondaı-aq tóraǵa uıymnyń «Balapan» telearnasymen birlesip «Jasyl el» mýltfılmin túsirý qyz­metin joǵary baǵalady. «Birinshiden, atqarylǵan ju­mystar úshin aımaqtyq shtab­tarǵa alǵys aıtqym keledi. Keńestiń birinshi otyrysy­nyń qorytyndysy boıynsha Shymkent qalasyndaǵy «Jasyl el» shtabynyń ju­mysyna bıýdjettik qarajat bólý jáne uıymnyń qyzmetin medıasalada nasıhattaý min­detteri alǵa qoıylǵan bolatyn. Osylaısha, qazir «Balapan» telearnasynda tabıǵatty qor­ǵaýǵa arnalǵan Jasyl el anı­masııalyq fılmderi kór­setilýde. Bul arqyly biz balalarmen qatar ata-analaryn da qamtımyz. Ekinshiden, joba balalardyń sanasynda ekologııalyq ádetterdiń qalyptasýyna áser etedi. Bala keıipkerlerdiń oqıǵalaryn birge bastan keshiredi, sheshim tabýdy úırenip, emosıonal­dy ıntellektteri damıdy», dedi ol.

Tóraǵa sondaı-aq Jasyl el atty jańa aǵashtardy onlaın otyrǵyzý jobasynyń bas­talǵanyn atap ótti jáne atalǵan jobaǵa ákimdikter tarapynan aqparattyq-uıym­dastyrýshylyq qoldaý qajet ekenin aıtty. Sonymen qa­tar Á.Nazarbaeva Keńes mú­she­lerin, kásipkerlerdi, qo­ǵam qaıratkerlerin jáne Qazaq­stannyń ekologııalyq uıym­dary qaýymdastyǵynyń se­riktesterin jobaǵa qatysýǵa shaqyrdy.

«Jasyl el» respýblıkalyq shtabynyń jetekshisi Azamat Danııar  Qazaqstannyń tabı­ǵatty qorǵaý uıymdary qaýym­dastyǵymen birigip uıym­dastyrǵan Stopmusor áleý­mettik jobasy týraly aıtty.

Batys Qazaqstan ob­ly­syndaǵy «Jasyl el» shta­bynyń basshysy Aslan Tá­pishev Qazaqstan boıynsha barlyq shtabtardyń bıyl­ǵy jumys qorytyndylaryn baıandady. Jalpy alǵanda, klımattyq aımaqtarǵa baılanysty 28 021 túp aǵash kó­shetteri otyrǵyzyldy, al jalpy jumys atqarylǵan jer aýmaǵy 5 508,8 gektardy qurady. Sonymen qatar Aqtóbe oblysynyń shtaby 7 orman tálimbaǵynda qo­sym­sha 2 mıllıonnan astam kóshet otyrǵyzdy.

Keńes tóraǵasy Álııa Na­zarbaeva «Jasyl el» shtab­tarynyń júzege asyrǵan jobalarymen qatar túıtkildi máselelerdi sheshý talpyny­syna da oń baǵa berdi. Tóraǵa­nyń pikirinshe, barlyq óńir­ler­degi jumystyń ashyqty­ǵyn qamtamasyz etý úshin «Ja­syl el» júıesin zańnama­lyq deńgeıde ortalyqtandyrý qa­jet.

«Jasyl el» jasaqtary­nyń qazirgi jumys júıesi jastar saıasatyn júzege asyrýda jáne qorshaǵan ortany qorǵaýda qoǵam, memleket jáne úkimet­tik emes sektor arasynda­ǵy yntymaqtastyqtyń tamasha úlgisi bolyp tabylady. Biraq sheshimdi qajet etetin máseleler de bar. Bul úshin biryńǵaı basqarý júıe­sin jańartyp, jumys júıesin sıfrlandyrý qajet. Keńes múshelerin «Jasyl eldiń» ortalyqtandyryl­ǵan júıesin zańnamalyq deńgeı­de qalyptastyrýǵa kómektesý­di suraımyn», dedi Álııa Na­zar­baeva.

Bul oraıda Májilis depýtaty, «Jasyl el» Keńesiniń múshesi Eldos Abaqanov «Ja­syl el» jastar eńbek ja­saq­tarynyń respýblıkalyq shta­byn Qazaqstan Respýb­lıkasynyń normatıvtik qu­qyqtyq aktilerine engizý má­selesin qarastyrýdy usyndy.

Jıyn sońynda Keńes tór­aǵasy Álııa Nazarbaeva «Jasyl el» oblystyq shta­bynyń úzdik ókilderine alǵys hattar tabys etti.

Esterińizge sala keteıik, «Jasyl el» jastar eńbek ja­­saqtary – ekologııalyq jo­ba­lar men memlekettik baǵ­dar­lamalardy júzege asyrý ar­qyly jastardy maýsymdyq jumyspen qamtý, qalalar men eldi mekenderdi kógaldandyrý jáne abattandyrý, jastardy patrıottyqqa tárbıeleýmen aınalysatyn qozǵalys. Qoz­ǵalys 2005 jyly Elbasy Nur­sultan Nazarbaevtyń bastamasymen qurylǵan.

Sońǵy jańalyqtar

Elimizde taǵy 4 adamnan koronavırýs anyqtaldy

Koronavırýs • Búgin, 10:41

Ustazdyń aty ólmeıdi

Bilim • Búgin, 10:30

Karapastyń qarqyny kúshti

Sport • Búgin, 10:29

«Kaspıı» kósh bastady

Sport • Búgin, 10:27

Medısınalyq poıyzdar jolǵa shyqty

Medısına • Búgin, 10:17

Tórtinshi orynda qalyp qoıdy

Sport • Búgin, 08:59

«Jas daryn» baıqaýy ótti

Aımaqtar • Búgin, 08:58

Elıtadaǵy ornyn saqtap qaldy

Hokkeı • Búgin, 08:55

«Jasyl» ósim ornyqty damýǵa jeteleıdi

Ekologııa • Búgin, 08:52

Jarqyn beınesi jadymyzdan óshpeıdi

Qazaqstan • Búgin, 08:50

Adaldyq pen shyndyqty shyraq etti

Qazaqstan • Búgin, 08:48

Kóshelerde sý kólkimeýi úshin...

Ǵylym • Búgin, 08:44

Daıyndyq jumystary júrip jatyr

Referendým-2022 • Búgin, 08:35

Jastar jaýapty tańdaý jasaýǵa daıyn

Referendým-2022 • Búgin, 08:30

Bul – ózekti máseleni birlesip sheshý joly

Referendým-2022 • Búgin, 08:28

Halyq pen bıliktiń úılesimi

Referendým-2022 • Búgin, 08:25

Bolashaq zańgerlermen kezdesti

Referendým-2022 • Búgin, 08:18

Erteńge degen senimdi oıatady

Referendým-2022 • Búgin, 08:15

52 elde 65 ýchaskelik komıssııa quryldy

Referendým-2022 • Búgin, 08:10

Uıymdastyrý men ótkizý jumystary pysyqtaldy

Referendým-2022 • Búgin, 08:06

Salyq túsimderi byltyrǵydan joǵary

Ekonomıka • Búgin, 08:00

Uqsas jańalyqtar