Otyz jyl ishinde elimizdiń ǵylym men bilim salasyndaǵy atqarylǵan jetistikterine baǵa berý jáne aldaǵy mindetterdi aıqyndaýdy maqsat etken alqaly jıynǵa Bilim jáne ǵylym mınıstri Ashat Aımaǵambetov, UǴA Prezıdıým músheleri, depýtattar men ǵalymdar qatysty.
Jıynnyń moderatory Almaty aımaqtyq Rektorlar keńesiniń tóraǵasy, QazUAZÝ Basqarma tóraǵasy, rektory Tilektes Espolov búgingi tańda bilim men ǵylym memlekettiń áleýmettik-ekonomıkalyq damýynyń, sondaı-aq ınnovasııalyq júıe men adamı kapıtaldyń basty faktoryna aınalǵanyn atap ótti.
Ǵalymdar qatysqan alqaly jıynda mınıstr Ashat Aımaǵambetov ǵylymı qaýymdastyqtyń, Ulttyq ǵylym ordasynyń otandyq bilimdi, ǵylymdy damytýda erekshe rólge ıe ekendigine toqtaldy. «Tuńǵysh Prezıdent–Elbasy Nursultan Nazarbaevtyń «Ǵylym men ınnovasııany ekinshi orynǵa qoıǵan el, eshqashan eshbir salada birinshi orynǵa kóterile almaıtyndyǵy» týraly qaǵıdasyn basshylyqqa alǵan elimizdiń Ulttyq ǵylym ordasy otandyq bilimdi, ǵylymdy damytýda erekshe ról atqaryp keledi. Osy qaǵıdany basshylyqqa alǵan Memleket basshysy Qasym-Jomart Toqaev «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýynda ǵylymnyń damýyna «Tyń kózqaras pen jańa tásilder kerek, sondaı-aq halyqaralyq tájirıbege arqa súıeýimiz qajet» – dep mindettegeni belgili. Osy oraıda ǵylym men bilim salasynda oń ózgerister baıqalady. Mysaly, «Pedagog mártebesi týraly» zań qabyldanyp, «Bilim týraly», «Ǵylym týraly»zańdaryna ózgerister men tolyqtyrýlar engizildi.«Qazaqstan Respýblıkasynyń bilim berýdi jáne ǵylymdy damytýdyń 2020-2025 jyldarǵa arnalǵan memlekettik baǵdarlamasy, 2025 jylǵa deıingi joǵary bilimin ınternasıonaldandyrý strategııasy bekitildi. Biryńǵaı Ortalyq Azııalyq joǵary bilim keńistigin qurý týraly Deklarasııa, Bolon úderisi hatshylyǵynyń Qazaqstan Respýblıkasynyń joǵary bilim berýdiń ulttyq biliktilik sheńberin ózin-ózi sertıfıkattaýy týraly esep qabyldandy, ıaǵnı qazaqstandyq joǵary oqý orndarynyń dıplomdaryn barlyq Eýropa elderinde moıyndaıtyn bolady. Zańnamalyq deńgeıde jergilikti atqarýshy organdardyń granttar bólý normasy bekitilgen, akkredıtteý organdarynda, bilim berý uıymdarynda 40-tan astam normatıvtik qujattar engizildi», dedi mınıstr óz sózinde.
Búginde ǵylym salasynda 23 myńdaı adam jumys jasaıdy. Ǵylymı-zertteý jáne tájirıbelik-konstrýktorlyq jumystarǵa jumsalatyn ishki shyǵyndardyń ósýi baıqalady. Osy ózgeristerdiń nátıjesinde professorlyq-oqytýshylyq quramnyń eńbek aqysy jáne stýdentterdiń shákirtaqysy 2 esege, magıstranttar men doktoranttardyń shákirtaqysy 1,5 esege ósti. Iri memlekettik joǵary oqý oryndary kommersııalyq emes aksıonerlik qoǵamdar bolyp qaıta quryldy. Bul olarǵa akademııalyq erkindik alýǵa, avtonomııaǵa kóshýge jáne memlekettik-jeke menshik seriktestik tetikterin paıdalana otyryp, ózin-ózi qarjylandyrý qaǵıdattaryn iske asyrýǵa múmkindik beredi.
О́ńirlerdegi 20 joǵary oqý ornynyń bazasynda akademııalyq artyqshylyq ortalyqtary qurylyp, úsh joǵary oqý orny zertteý ýnıversıtetteri mártebesine ıe bolady. Nazarbaev Ýnıversıtetiniń tájirıbesi negizinde eki ozyq joǵary oqý orny ashylmaq, bul mınıstrliktiń aıtarlyqtaı jumystardy júıeli júrgizip jatqanynyń kýási. Ǵylym men bilimdi damytý boıynsha qabyldanǵan osy sharalardyń barlyǵy el ekonomıkasy men rýhanııatynyń turaqty damýyna jańa serpin beretini sózsiz.
Jıyn barysynda ǵalymdar elimiz ǵylymynyń damýyna alpys jyldan astam qajyrly eńbegin, zor úlesin qosqan akademık Murat Jurynovtyń 80 jasqa tolýyna baılanysty eren eńbegin atap ótti. Osy oraıda mınıstr Ashat Aımaǵambetov Tuńǵysh Prezıdent–Elbasy Nursultan Nazarbaev penMemleket Basshysy Qasym-Jomart Toqaevtyń qazaqstandyq ǵylym men bilimniń damýyndaǵy qajyrly eńbegi úshin quttyqtaý hattaryn tabys etti.
Belgili ǵalym, akademık, Prezıdıým múshesi Dosym Súleev baıandama jasap, akademık Murat Jurynovtyń elimizdiń órkendeýi men ekonomıkasynyń, bilim men ǵylymnyń qarqyndy damýy, jańa ınnovasııalardyń engizilýindegi eńbegine toqtalyp ótti.
Parlament Májilisiniń depýtaty Ámirhan Rahymjanov akademıkke Parlament Májilisiniń tóraǵasy Nurlan Nyǵmatýlın jáne Parlament Senatynyń tóraǵasy Máýlen Áshimbaevtyń quttyqtaýyn jetkizse, Almaty qalasy ákimdiginiń atynan ákim orynbasary Erjan Babaqumarov «Eńbegi úshin» medalin, al UǴA vıse-prezıdenti Ǵalymqaıyr Mutanov «Qazaqstan Joǵary mektebiniń qurmetti qyzmetkeri» tósbelgisin, Joǵary oqý oryndary qaýymdastyǵynyń tóraǵasy, Rahman Alshanov Qaýymdastyqtyń ordenin tabys etti. Ýnıversıtettiń Ǵylymı keńesiniń sheshimimen Murat Jurynovqa «QazUAZÝ Qurmetti professory» ataǵyn Basqarma tóraǵasy-rektory Tilektes Espolov tapsyrdy.
Dóńgelek ústel jumysyn qorytyndylaı kele, is-sharaǵa qatysýshylar talqylanǵan máseleler boıynsha ortaq pikirge kelip, Qazaqstandaǵy ǵylym men bilimniń rólin jańa sapaly deńgeıge kóterýge jáne eldiń ınnovasııalyq damýyndaǵy serpiliske yqpal etetinine senim bildirdi.
