Elge qyzmet eleýsiz qalmaıdy

Saltanatty shara Qazaq­stan­nyń táýelsizdik alǵan 30 jyl­daǵy qol jetken tabystary men alǵan asýlaryna arnal­ǵan kórkem kórinistermen ashyl­dy. Sonyń ishinde Semeı ıad­rolyq polıgonynyń jabylǵany, Toq­tar Áýbákirovtiń ǵarysh­qa ushýy, Memlekettik rámiz­der­diń qabyldanýy, ulttyq valıý­tanyń ómirge kelýi, jańa Kons­tı­týsııanyń qabyldanýy, QHA-nyń qurylýy, «Qysqy Ýnı­ver­sıada» men EKSPO-2017-niń ótkizilýi – bári qamtyldy. Ob­lys halqyn ulyq merekemen qut­tyq­taǵan Spıker Tuńǵysh Prezı­dent – Elbasy Nursultan Ábishuly Nazarbaevtyń «aldymen – ekonomıka, odan keıin – saıa­sat» degen salı­qaly saıasatynyń arqasynda elimizdiń barlyq qıyndyqtan aman-esen shyǵyp, bir bıikten bir bıikke jetkenin atap ótti. Osy jolda Memleket basshysy Qasym-Jomart Kemeluly Toqaev elimizdiń damý strategııasyn odan ári jalǵastyryp, saıası, áleýmettik-ekonomıkalyq reformalardy júzege asyryp jatqanyn aıtty. Sonymen qatar Nurlan Nyǵ­matýlın Soltústik Qazaqstan oblysy men turǵyndarynyń táýelsiz Qazaqstannyń jetis­tik­terine qosqan eleýli úlesin atap ótti. Májilis Tóraǵasy atap ót­kendeı, qazirgi ýaqytta Sol­tús­tik Qazaqstan oblysy óndiris­tik salada joǵary nátıje kórse­tip, onda jyl saıyn jańa kásip­oryndardy iske qosyp, kóptegen jańa jumys oryndaryn ashýda. О́nimniń kóp­tegen túri tek Qazaqstanda ǵa­na emes, álemdik naryqta da bel­gili.

Osydan ári Parlament Máji­li­siniń Spıkeri Prezıdent Q.Toqaev­tyń tapsyrmasymen memleket­tik nagradalar tapsyrdy. Mara­patqa ıe bolǵandardyń arasyn­da ǵalymdar, aýyl sharýa­shy­lyǵy taýarlaryn óndirý­shiler, muǵalimder men dáriger­ler, jumysshylar men qutqarý­shylar, kásipkerler, ártister men sportshylar bar. «Parasat» orde­nimen arheolog Vıktor Zaı­bert marapattaldy. Ol Sol­tús­tik Qazaqstannyń ejelgi tarıhy boıynsha birneshe ǵylymı jańa­lyqtyń, kóptegen kitap pen maqala avtory. Qazaqstandyq ǵalym tarapynan jyl­qy­ny qolǵa úıretýdiń eń kóne eskertkishi sanalatyn eneolıt dáýiriniń «Botaı qonysy» biregeı eskertkishiniń ashylýy álemdik tanymaldylyqqa ıe boldy. «Qur­met» ordenimen Petropavl ba­lalar áleýmettik qyzmet kórsetý ortalyǵynyń tárbıeshisi Elena Kıslıakova, kásipker Ekpin Ábıev jáne týǵan aýyldaryn da­mytýǵa qarjylyq qoldaý kórsetip otyrǵan fermerlik sharýa­shy­lyq­tardyń basshylary Qalym Danıarov, Abdýrahım Nýkaev mara­pattaldy. III dárejeli «Eń­bek Dańqy» ordenin eńbek arda­ger­leri, mehanıkalyq jınaý se­hy­nyń tokary Sergeı Karetov jáne qurylys salasynda 40 jyldan astam jumys isteıtin kranshy Farhan Safargaleev ıelendi. «Er­ligi úshin» medali 16 adamnyń ómirin qutqarǵan órt sóndirýshi Aıtbaı Sádýaqasovqa, «Eren eń­begi úshin» medali – kardıolog dáriger Asqar Moljigitovke, jeńil atlet Irına Ektovaǵa, «Sha­paǵat» medali – balalar úıi­niń tárbıeshisi Aıym Ábdirah­manovaǵa, Ýálıhanov aýdandyq aýrýhanasynyń bas medbıkesi Marına Ohmatqa tapsyryldy.

Marapattan soń Nurlan Nyǵ­ma­týlın óńir turǵyndaryn aıtýly kúnmen jáne joǵary nagra­dalarmen quttyqtaı otyryp, soltústikqazaqstandyqtar eli­miz damýynyń mańyzdy keze­ńinde jańa tabystarǵa jetetinine senim bildirdi.

Osydan keıin sóz oblys ákimi Qumar Aqsaqalovqa be­rildi. О́ńir hal­qyn 30 jyldyq me­reı­­­toı­men quttyqtaı otyryp, ákim «táýelsizdiktiń mańy­zy­na jáne oblystyń osy jyl­dar­da qol jetkizgen tabystaryna toqtaldy.

– Táýelsizdik – bizdiń uly qun­dylyǵymyz, eń bıik jetistigimiz. Elimiz 30 jylda kemeldenip, da­mýdyń jańa belesine shyqty. Uly jerlesimiz, aqyn Maǵ­jan Jumabaev aıtqandaı, «biz ǵasyr­lar toǵysynda ata-baba­lary­myz ańsap, armandap ketken azat­tyqtyń altyn aıyna qol sozdyq. Ejelden erkindikti ańsaǵan qazaq uly muratyna qol jetkizdi. Táýelsiz memleketimizdiń irgesin bekemdep, elimizdiń tynyshtyǵy men qaýipsizdigin nyǵaıtýǵa, Qazaqstannyń aıdaı álemge tanylýyna erekshe eńbek sińirgen Tuńǵysh Prezıdentimiz Nursultan Ábishuly Nazarbaevtyń kúni keshe ǵana jaryq kórgen «Táýelsizdik taǵylymy» maqalasynda Táýel­sizdik te baqyt sııaqty, baǵalaǵan adamnyń, aıalaǵan qoǵamnyń qolyna turaqtaıdy. Mine, búgin biz qýatty, egemen, erkin elde ómir súrip jatyrmyz, – dedi.

Búgingi tańda aımaqtyq jalpy ónim 30 jylda 15 ese ósti. Jan basyna shaqqanda IJО́ kóle­mi 23 ese artty. Eńbek ónimdi­ligi sońǵy 10 jylda 7 ese ósti. Aýyl­ sha­rýa­shylyǵynyń bıylǵy jalpy ónimi 890 mlrd teńgege jetip, 2017 jylmen salystyrǵanda 2 ese ósken. Al ónerkásip ónimi bıyl 360 mlrd teńgege jetip, aldyndaǵy jylmen salystyrǵanda 8 paıyzǵa artty. Táýelsizdik jyldarynda oblys ekonomıkasyna 2,2 trln teńge ınvestısııa salyndy. Ákimniń baıandamasynda osy jáne basqa da jetistikter aıtyldy.

Odan ári saltanatty is-shara merekelik konsertke jalǵasty. Oǵan jergilikti ónerpazdarmen qa­tar, Abaı atyndaǵy opera já­ne balet teatrynyń ártisteri Aza­mat As­qarov, Janel Týkeeva, Já­mı­la Serkebaeva jáne basqalar qatysty.

Petropavl