Byltyrǵy maýsymnan bastap QKFL sheshimimen maýsymnyń úzdik oıynshysyna áıgili qazaqstandyq fýtbolshy, KSRO sport sheberi, eńbek sińirgen bapker Tımýr Segizbaev atyndaǵy syılyq berilip keledi. Bıylǵy júlde «Astana» kóshbasshysy Marın Tomasovqa buıyrdy. Suraýǵa qatysqandardyń basym kópshiligi (120 daýys) Tomasovty úzdik dep tanydy. Horvatııalyq legıoner osy maýsymda «Astana» sapynda 33 oıyn ótkizip, 24 márte qarsylastary qaqpasynan sańylaý tapqan. 14 ret áriptesterine nátıjeli pas bergen.
Ekinshi orynǵa «Qaırat» komandasynyń shabýylshysy Vagner Lav (71 upaı) ornalassa, úzdik úshtikti el chempıony atanǵan «Tobyldyń» qaqpashysy Aleksandr Mokın (59 upaı) qorytyndylady. Aıta keteıik, buǵan deıin Marın Tomasov chempıonattyń úzdik surmergenine tapsyrylatyn E.Pehlevanıdı atyndaǵy syılyqty da jeńip alǵan edi.
