Aımaqtar • 12 Jeltoqsan, 2021

Almatyda «Jeltoqsan» eskertkishiniń irgetasy qalandy

55 ret kórsetildi

Táýelsizdiktiń 30 jyldyǵy aıasynda Almaty qalasyndaǵy «Jeltoqsan» saıabaǵynda bolashaq eskertkishtiń irgetasy qalandy, dep jazady Egemen.kz.

Túrksib aýdanyndanda talaılardy tebirentrip ótken oqıǵaǵa Jeltoqsan birlestikteriniń ókilderi, qoǵam qaıratkerlerimen birge zııaly qaýym qatysty.

Osy bastamanyń ortasynan tabylǵan Almaty qalasy ákiminiń orynbasary Erjan Babaqumarov bolashaq monýmenttiń irgetasynyń qalanýy «Jeltoqsan» saıabaǵy ashylǵannan bir jyl ótken soń jáne Jeltoqsan oqıǵasynyń 35 jyldyǵyna  oraılastyrylǵanyn atap ótti.

 «Bir jyl buryn biz Táýelsizdiktiń 30 jyldyǵyn merekeleýge daıyndyqqa kiristik. «Jeltoqsan»saıabaǵynyń orny men ataýy jeltoqsan birlestikteriniń ókilderimen birge anyqtaldy. Almaty ákimi B. Saǵyntaev monýmentti ornatý týraly tıisti sheshim qabyldady. Bul kún bizdiń qalamyzdyń tarıhyndaǵy mańyzdy oqıǵa bolatynyna senimdimin», – dedi qala ákiminiń orynbasary.

«Saıabaqtyń ashylýy, bolashaqta eskertkish ornatý – bul jeltoqsan batyrlaryna qurmet qana emes, olardyń erlikterin máńgi este saqtaý, bolashaq urpaqqa jetkizý. «Jeltoqsan» saıabaǵy úlken ári oǵan keletinder de kóp bolady – ony abattandyrý jumystary jalǵasýda. Buryn bul qaraýsyz qalǵan skver bolatyn, al endi qala turǵyndary jańa qoǵamdyq keńistikti aralaı otyryp, bizdiń halqymyzdyń tarıhymen tanysady», –- dep atap ótti E. Babaqumarov jınalǵandardy kele jatqan Táýelsizdik kúnimen quttyqtady.

Qazirgi ýaqytta «Jeltoqsan» eskertkishiniń eskızin ázirleýge konkýrs jarııalandy.

Bul kúni «Jeltoqsan» saıabaǵynda ashyq aspan astyndaǵy murajaı da ashyldy. Ekspozısııalarda Jeltoqsan oqıǵasynyń keıipkerleri, tarıhı qujattar, sondaı-aq 1986 jylǵy kóteriliske qatysýshylar týraly baıandaıtyn fotomaterıaldar usynylǵan.

Irgetasyn qalaý rásimine qatysqan Qazaqstan Jazýshylar odaǵynyń tóraǵasy Ulyqbek Esdáýlet ótken jyly osy jerde «Jeltoqsan» saıabaǵynyń ashylýy ótkenin eske aldy.

«Irgetastyń qalanýy Almaty ákimdiginiń jeltoqsan oqıǵasyn máńgi este qaldyrý jónindegi jumysynyń qısyndy jalǵasy boldy. 1986 jylǵy jeltoqsan kóterilisi – keńestik rejımdi qulatqan tarıhı oqıǵa. О́kinishke oraı, totalıtarlyq júıe alańǵa shyqqan jas jigitter men qyzdardyń taǵdyryn buzdy. Jeltoqsan kóterilisi Qazaqstan tarıhynda erlik jáne sonymen birge qaıǵyly oqıǵa bolyp qala beredi. Sondyqtan, búgingi tastyń qalanýy jáne bolashaqta eskertkishtiń ashylýy óskeleń urpaqty tárbıeleý úshin erekshe mańyzǵa ıe jáne jeltoqsanshylardyń erligine qurmet bolady», – dedi Ulyqbek Esdáýlet.

Rásimge qatysýshylar «Jeltoqsan» saıabaǵynyń aýmaǵyna aǵash otyrǵyzdy. Bolashaqta bul aýmaqty kógaldandyra túsý josparlanyp otyr. Is-shara sońynda shaqyrylǵan Jeltoqsan oqıǵasyna qatysqandardyń qurmeti úshin eljandy ánder oryndaǵan estrada juldyzdarynyń qatysýymen konsert qoıyldy.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar