Sport • 14 Jeltoqsan, 2021

Talǵarda balǵyn balýandar beldesti

93 ret kórsetildi

Táýelsizdigimizdiń 30 jyldyǵyna oraı Almatynyń irgesinde ornalasqan Talǵar qalasynda qazaq kúresinen álem jáne Azııa chempıonatynyń júldegeri, halyqaralyq dárejedegi sport sheberi Erkin Saıdaqovtyń júldesine arnalǵan jasóspirimder arasynda respýblıkalyq týrnır ótti.

Atalǵan jarysqa elimizdiń 11 oblysynan kelgen barlyǵy 25 komanda qatysty. Ashylý saltanatynda Talǵar aýdandyq sport basqarmasynyń basshysy Amanjol Nuǵmanov, Abaı atyndaǵy QAZUPÝ óner jáne mádenıet ınstıtýtynyń dırektory Toqqoja Muqajanuly, grek-rım kúresinen KSRO jáne álem chempıony Nurtan Jumabekov, №2 balalar sport mektebiniń dırektory Aıgúl Oralbekqyzy bastaǵan qadirli qonaqtar quttyqtaý sózderin aıtyp, balǵyn balýandarǵa sáttilik tiledi. Qurmetti qonaqtar qatarynda Erkinniń ata-anasy Muqash Saıdaqov pen Gúlsara Muqanova jáne aýyr atletıkadan álem chempıony Jasulan Qydyrbaev ta bolyp, barsha sportshylarǵa izgi tilekterin bildirdi.

Eki kúnge sozylǵan jarys barysynda balýandar 10 salmaq dárejesi boıynsha túrli-tústi medaldardy sarapqa saldy. Jalpy komandalyq esepte Shymkent qalasynyń ókilderi birinshi oryn alsa, ekinshi orynǵa Qyzylorda oblysynyń sportshylary taban tiredi. Al úzdik úshtikti Almaty qalasy qorytyndylady. Jarys jeńimpazdary arnaıy dıplomdar, kýboktar  jáne baǵaly syılyqtarmen marapattaldy.

Jarystyń bas tóreshisi Erlan Imanǵalıevtiń aıtýynsha, mundaı dúbirli dodalar jıi uıymdastyrylyp tursa ıgi. О́ıtkeni, osyndaı jarystar arqyly jas balýandardyń sheberligi artyp, psıhologııalyq turǵydan da shyńdala túsedi.

Sońǵy jańalyqtar

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Ahańnyń adaldyǵy

Ahmet Baıtursynuly • Keshe

Qaraly kezeń kartınasy

Qazaqstan • Keshe

Parıjge syımaǵan Pol

О́ner • Keshe

Qarttar úıindegi vals

Qoǵam • Keshe

Dollar qaıta kóterildi

Qarjy • Keshe

Uqsas jańalyqtar