«Búgin tańerteń Dúnıejúzilik meteorologııalyq uıym Reseıdiń Verhoıansk qalasynda arktıkalyq temperatýra rekordy - Selsıı boıynsha 38 gradýs nemese Farengeıt shkalasy boıynsha 100,4 bolǵanyn moıyndady. Ol ótken jyldyń 20 maýsymynda tirkelgen», dedi Dúnıejúzilik meteorologııalyq uıymnyń baspasóz hatshysy Kler Nýllıs.
«Bul rekord búkil Sibirdegi jylynýdyń aıqyn dáleli», dedi áıgili brıtandyq klımatolog jáne DMU komıtetiniń múshesi Fıl Djons.
Verhoıansk polıar sheńberinen soltústikke qaraı 115 shaqyrymdaı jerde ornalasqan. Arktıkaǵa qaraǵanda Jerorta teńizine tán jańa temperatýra rekordy Sibirdiń uzaqqa sozylǵan ystyq tolqyny kezinde meteorologııalyq baqylaý stansııasynda ólshendi.
Saha (Iаkýtııa) respýblıkasynyń soltústik bóliginde ornalasqan Verhoıansk qalasyndaǵy meteostansııada temperatýrany baqylaý 1885 jyldan beri júrgizilip keledi. Atalǵan uıym sarapshylary Sibirdiń arktıkalyq aımaǵyndaǵy jazdyń joǵary temperatýrasy órtterdiń kúsheıýi men teńiz muzynyń jappaı erýine ákelgenin atap ótti.
Arktıkadaǵy jylyný 2020 jyldy tarıhtaǵy eń jyly úsh jyldyń birine aınaldyrdy.
