Qazaqstan • 16 Jeltoqsan, 2021

Eldiktiń mereıli belesi

89 ret kórsetildi

Qurmetti qazaqstandyqtar!

Barshańyzdy eldigimizdiń mereıli belesi – táýelsizdiktiń 30 jyldyǵymen shyn júrekten quttyqtaımyn!

Bul – naǵyz erkindik pen ege­men­diktiń merekesi.

Biz Táýelsizdigimizdiń osynaý tarıhı mejesin ǵasyrlarǵa júk bolar zor jetistiktermen qarsy alyp otyrmyz. Tuńǵysh Prezıdentimiz – Elbasy Nur­sul­tan Ábishuly Nazarbaevtyń strate­gııalyq saıasatynyń arqasynda barlyq sala júıeli túrde damydy. Shekaramyz she­gendeldi, ekonomıkamyz júıelendi, syrt­qy saıasatymyz syndarly jolǵa tústi.

Eń bastysy, osy jyldar ishinde mem­le­kettiligimiz tolyq qalyptasty. Tól qun­dylyqtarymyz tórge ozyp, tarıhymyz ben mádenıetimiz dárip­teldi. Ana tilimiz ardaqtalyp, dilimiz ben dinimiz qaıta jandandy. Qazaq­stan búkil álemge tatýlyq pen turaq­tylyqtyń, beıbitshilik pen kelisimniń altyn besigi retinde tanyldy.

Elbasynyń batyl sheshimimen Arqa tórinde jańa astanamyzdy saldyq. Az ýaqyttyń ishinde búkil túrki jurty úshin kıeli de qasterli meken – Túrkistandy túlettik. Jalpy, 30 jylda elimizdiń barlyq óńiri ósip-órkendedi. Munyń bári – egemendiktiń arqasynda qol jetkizgen jeńisterimiz ben jetistikterimiz.

Endi osy baǵyttan aınymaı, táýel­sizdikti odan ári nyǵaıtý – bárimizdiń eń basty mindetimiz. Memleket basshy­sy Qasym-Jomart Kemeluly Toqaevtyń sabaqtastyq pen órleýdi tý etken saıasaty sony kózdeıdi.

Shyn máninde, biz úshin táýel­sizdikten artyq qundylyq, odan asqan baılyq joq. Táýelsizdik ulty­myz­dy uıystyrdy, jurtymyzdy jumyl­dyrdy, abyroıymyzdy asqaqtatty. Endigi mindet – barymyzdy baǵalap, jeńisti jolymyzdy jalǵaý. Ol úshin tatýlyǵymyz berik, birligimiz bekem, tirligimiz tııanaqty bolýǵa tıis. Osy jolda bárimiz birlesip, nátıjeli eńbek ete beremiz dep senemin.

Táýelsizdigimizdiń 30 jyldyǵymen quttyqtaı otyryp, barshańyzǵa amandyq pen baq-bereke tileımin. Eldigimiz eńseli, egemendigimiz baıandy bolsyn! Táýelsiz Qazaq eli jasaı bersin!

Meıram qutty bolsyn!

 

Máýlen ÁShIMBAEV,

Qazaqstan Respýblıkasy Parlamenti Senatynyń Tóraǵasy

Sońǵy jańalyqtar

Jastar qalaýy – jarqyn keleshek

Referendým-2022 • Keshe

Referendýmdy qoldaýǵa úndeý jasady

Referendým-2022 • Keshe

Aǵa býynnyń aıtary bar

Referendým-2022 • Keshe

Áljannyń kise belbeýi

Tarıh • Keshe

Uqsas jańalyqtar