«Densaýlyq saqtaý mınıstri mindetin vedomstvonyń vıse-mınıstri Jandos Búrkitbaev atqarady», delingen Densaýlyq saqtaý mınıstrligi baspasóz qyzmeti habarlamasynda.
Buǵan deıin Memleket basshysynyń jarlyǵy boıynsha Alekseı Soı Qazaqstan Respýblıkasynyń densaýlyq saqtaý mınıstri laýazymynan bosatylǵany habarlanǵan bolatyn.
Jandos Búrkitbaev 1972 jyly 27 aqpanda Jambyl oblysynda dúnıege kelgen. 1996 jyly C. Asfendııarov atyndaǵy Almaty ulttyq medısına ýnıversıtetin (emdeý isi), 2003 jyly L. Gýmılev atyndaǵy Eýrazııa ulttyq ýnıversıtetin (memlekettik jáne jergilikti basqarý), 2007 jyly Ońtústik Qazaqstan memlekettik medısına akademııasyn (farmasııa), 2018 jyly QDSJM Qazaqstan medısına ýnıversıtetin, 2020 jyly «Turan-Astana» Ýnıversıtetin quqyqtaný mamandyǵy boıynsha támamdaǵan.
Reseı Federasııasynyń Densaýlyq saqtaý mınıstrliginiń N.I. Pırogov atyndaǵy Ulttyq medıko-hırýrgııalyq ortalyǵynyń doktoranty. Eńbek joly: Almaty qalasyndaǵy shuǵyl medısınalyq kómektiń qalalyq klınıkalyq aýrýhanasynyń dárigeri (1996-1998);
Almaty qalasyndaǵy respýblıkalyq Apattar medısınasy ortalyǵynyń dárigeri (1998-1999);
Qazaqstan Respýblıkasy Densaýlyq saqtaý, bilim jáne sport mınıstrliginiń, Bilim jáne ǵylym basqarmasynyń bas mamany (1999-2000);
Qazaqstan Respýblıkasy Densaýlyq saqtaý isteri jónindegi agenttiginiń dári-dármek saıasaty, Medısınalyq jáne farmasevtıkalyq ónerkásipti damytý, uıymdastyrý-baqylaý jumysy bóliminiń bas mamany (2000-2001);
QR DSM farmasevtıkalyq jáne medısınalyq ónerkásip jáne aqparattyq-taldamalyq súıemeldeý bóliminiń bastyǵy (2001-2002);
QR DSM farmasevtıkalyq jáne medısınalyq ónerkásip jáne dári-dármek saıasaty basqarmasynyń bastyǵy (2002-2004);
«Aqtóberentgen» AQ keńesshisi (2005-2007);
QR Parlament Májilisiniń Áleýmettik-mádenı damý boıynsha komıtetiniń Qyzmetti qamtamasyz etý bólimi meńgerýshisiniń orynbasary (2007-2008);
Astana qalasynyń «Qan ortalyǵy» ShJQ QKK basshysy (2008-2011); QR Densaýlyq QR DSM «Transfýzıologııa ǵylymı-óndiristik ortalyǵy» ShJQ (2011-2019);
QR DSM «Ulttyq ǵylymı onkologııalyq ortalyq» JShS basqarma tóraǵasy (2019-2021).
2021 jyldyń qańtarynan beri vıse-mınıstr qyzmetin atqaryp keldi.
