Tartysqa toly chempıonat: Jartylaı fınalǵa joldama alǵan boksshylar belgili boldy

Sańlaqtar qatary sıregen kún

Á degennen-aq el birinshiligi tosyn oqıǵalarǵa toly boldy. Tuńǵysh ret 18 jastaǵy boks­shylarǵa múmkindik bergen bul jarysta onnan asa jas óren shırek fınalǵa joldama al­dy. Keıbir salmaq dárejelerinde chempıondyq ataqqa jete almaı júrgen boksshylar myqtylardyń joqtyǵyn paıdalanyp, el chempıony atanýǵa talpyndy. Atap aıtsaq, 54 kılo salmaqta Nursul­tan Altynbek (Qyzylorda oblysy), 57 kılo salmaqtaǵy Er­bolat Sabyr (Pavlodar oblysy) qazirdiń ózinde kem degende qola júldege qol jet­kizip otyr. Atalǵan jarys­ta jasy úlken boksshy bolyp táýel­­sizdiktiń qur­dasy Abzal Qut­ty­be­kov tir­keldi. 92 kılo salmaqta ju­dy­ryq­­tasatyn Abzal – jarystyń jartylaı fınalyna joldama alǵandardyń qatarynda.

Chempıonat barysynda sensasııa da az bolǵan joq. «Jeńimpaz nemese júldeger bolady-aý» degen halyqaralyq dárejedegi sport sheberleri jarys jolynan er­te shyǵyp qaldy. Birinshiliktiń be­sinshi kúni 2017 jyly Gambýrgte ótken álem chempıonatynyń qola júldegeri túrkistandyq Erjan Jomart jaraqatyna baılanys­ty jekpe-jekti sońyna deıin jetkize almasa, jastar arasynda álem chempıony qaraǵandylyq Sabyrjan Aqqalyqov ekinshi kezdesýinde jeńilis tapty. Qar­sylastaryna jol bergenderdiń qatarynda Qazaqstan chempıony men júldegeri bolǵan Oljas Buqaev, Jandos Jumabaev, Aza­mat Bektas, Aıtan Temirlan syndy boksshylar bar.

On segizinde orda buzbaqshy...

Jarysta qyzyqty jekpe-jek óte kóp boldy. 71 kılo salmaqta judyryqtasqan taldyqorǵandyq Nurjan Amangeldi tartysty jek­pe-jektiń ekinshi kezeńinde nokdaý­n alyp, jarysty aıaqtaýǵa jaqyn edi. Alaıda kelesi kezeńde tez esin jıǵan N.Amangeldi qarsylasyn nokdaýnǵa jiberip, jeńisti julyp aldy.

Ulttyq qurama múshesi, ha­lyqaralyq dárejedegi sport she­beri Ermahan Jaqpekovke de shırek fınaldyq jekpe-jek ońaı tıgen joq. 18 jastaǵy aqtóbelik Álıhan Mekebaev jastyǵyna qaramastan ózinen áldeqaıda táji­rıbeli boksshymen terezesi teń óner kórsetip, mamandar naza­ryna ilindi. Jekpe-jek sál ǵana basymdyqpen Jaqpekovtiń paıdasyna sheshildi.

Al jaqynda ǵana Belgradta ótken álem chempıonatynan júl­­desiz qaıtqan Nurqanat Raıys sport sheberine úmitker alma­tylyq Ilıar Ashırovti áýpirimdep jú­rip utty. 18 jastaǵy boks­shy kez­desýdiń aıaǵyna deıin jankesh­tilik tanytqanymen, jeńis Nur­qanatqa buıyrdy.

Ulttyq quramanyń bas bapkeri Qaırat Sátjanov osy dodanyń basy-qasynda bolyp, ár jekpe-jekti nazardan tys qaldyrmaı, qadaǵalaýmen otyr.

– Álem birinshiliginde je­ńimpaz ben júldeger atanǵan boks­shylar jáne eń kóp ári aýyr kezdesý ótkizgen Aslanbek Shym­bergenov bıylǵy Qazaqstan chempıonatynan bosatyldy. Son­dyqtan bul dodaǵa tuńǵysh ret jastar quramasynda júrgen boksshylardy qatystyryp otyrmyz. Bizdiń maqsatymyz – ulttyq quramanyń boıyna qan júgirtý. Sebebi keler jyly qańtar aıynda 19-22 jas aralyǵynda tuńǵysh ret Tashkentte ótetin Azııa chempıonatyna jasy keledi-aý degen chempıondardy qatystyramyz. Odan keıin maýsym aıynda jos­parlanyp otyrǵan eresekter arasynda ótetin sary qurlyq dodasynda da top jarýymyz kerek, – dedi ulttyq qura­manyń bas bapkeri.

Bura tartýǵa jol berilmeıdi

Boks federasııasynyń vıse-prezıdenti, memlekettik jattyq­tyrýshy Baqtııar Artaevtyń aıtýynsha, sharshy alańdaǵy árbir kezdesýdi ulttyq quramanyń bas bapkerinen bastap bilikti mamandar óz baqylaýynda ustap otyr.

– Chempıonat barysynda Fede­rasııa tarapynan arnaıy komıssııa quryldy. Egerde qandaı da bir ádiletsizdikke jol berilse, sol boksshynyń bapkeri shaǵym tú­sirýine quqy bar. Sol kúngi jarys bitkennen keıin shaǵymdy bilikti mamandar qarap, ádil she­shimin shyǵarady. Bizdiń basty maq­satymyz – Qazaqstan boksyn jańa formatqa yńǵaılap, deńgeıin kóterý. Jigitterge múmkindik be­rip, jankúıerlerdi myqty boks­shylardyń ónerimen qýantsaq degen nıetimiz bar, – dedi komıssııa tóraǵasy B.Artaev.

«Kórgen kózde jazyq joq» demekshi, tóreshiler tarapynan kúmándi sheshim qabyldanǵanyn da baıqadyq. Mysaly, 80 kılo salmaqta shyǵysqazaqstandyq Erasyl Jaqpekov pen aqtó­be­lik Jánibek Qartbaev arasyn­daǵy jekpe-jekte tóreshi shyǵys­qazaqstandyq boksshynyń qolyn kótergen-di. Alaıda sol kúngi jarystan soń tóreshiler alqasy jınalyp, jeńiske J.Qartbaev jetti dep alǵashqy sheshimdi ózgertti. Sondaı-aq 86 kılo salmaqta tal­dy­qorǵandyq Shynarbek Bá­tin­uly men qostanaılyq Mı­haıl Kohanchık arasyndaǵy jek­pe-jektiń she­shimine jankúıer­ler narazylyq tanytty. Tal­dy­qorǵandyq bylǵary qolǵap sheberi qanshama soqqy jasap, urǵanymen, rıngtegi tóreshi bel­sendi bolǵan Sh.Bátinulyna eki es­kertý berip, upaıyn kemitip tas­tady. Osylaısha, ekinshi jáne úshinshi raýndta qulaýdyń aldynda turǵan M.Kohanchıktiń baǵy janyp, shırek fınalǵa joldama aldy.

Osyǵan baılanysty biz saıys­tyń tehnıkalyq delegaty Qaırat Ju­manqulovty sózge tartqan edik. Qaırat Seıitbekulynyń aıtýynsha, osy chempıonatta bes shaǵym túsken. Sonyń ishinde tóreshilerdiń sheshimimen úsh sheshim kúshin joısa, qalǵan eki nátıje ózgerissiz qaldy.

– Chempıonatta 20-ǵa jýyq tóreshi qyzmet atqarýda. Onyń ishin­de IBA-nyń (burynǵy AIBA) 1, 2, 3 juldyzdy jáne ult­­­tyq dárejedegi jáne birinshi sanat­­taǵy tóreshiler bar. Kún saıyn IBA-nyń 3 juldyzdy tóreshileriniń qatysýymen semınar ótkizip jatyrmyz. Búginge deıin bes shaǵym tústi. Sonyń úsheýi qanaǵattandyryldy. Iаǵnı sheshim ózgertilip, basqa boksshyǵa berildi. Eki shaǵymnyń sheshimi ózgerissiz qaldy. Siz aıtyp otyr­ǵan Erasyl Jaqpekov pen Jánibek Qartbaev arasyndaǵy jekpe-jektiń sheshimi beıne qaı­talaýdan keıin ózgertildi. Al Shynarbek Bátinuly men Mıhaıl Kohanchık arasyndaǵy kezdesýde eshqandaı shaǵym túsken joq, – dedi Qaırat Jumanqulov.