Sharaǵa JUZ Entertainment basshysy, prodıýsser Erbolat Bedelhan, Daryn Online bilim berý platformasynyń negizin qalaýshy Aıbek Qýatbaı, telejýrnalıst Ashat Sadyrbaı qatysty.
Konsert 26 jeltoqsanda offlaın jáne onlaın formatta ótedi. Án keshiniń onlaın formatta arnaıy juz.daryn.online platformasynan tamashalaýǵa bolady.
«Daryn online-men birge jumys jasamas buryn uzaq zerttedim. Atalǵan IT-kompanııamen qundylyqtarymyz da ortaq eken. Ol - qazaqsha kontentti ekporttaý, álemdik naryqqa shyǵý, ultqa qyzmet etý. Onlaın konsert jasaıyq degen usynys ta bizdiń tarapymyzdan boldy», dedi Ninety One tobynyń prodıýsseri Erbolat Bedelhan.
«Shetelde onlaın konsert kórý mádenıeti jaqsy qalyptasqan. Bizdiń maqsat - sol mádenıetti Qazaqstanda qalyptastyryp, IT-tehnıkalyq deńgeıimizdi shetelge kórsetý. Sebebi qazirdiń ózinde onlaın-konsertke bılet alǵandardyń 15%-y Fılıppın, Malaızııa, Belorýssııa jáne ındonezııalyqtar», dedi Daryn online bilim berý platformasynyń negizin qalaýshy Aıbek Qýatbaı.
Bul shara atalǵan toptardyń elde birlese qolǵa alǵan sońǵy konserti bolýy yqtımal. Sebebi, Ninety One toby AQSh-qa ketýdi josparlap otyr. Qazaq ónerin álemdik naryqqa shyǵarýdy kózdeımin degen prodıýsser Erbolat Bedelhan osy taqyryp tóńireginde de oıymen bólisti.
«Bir orynda turyp álemdik naryqqa ene almaımyz, qazaq ónerin eksporttaı almaımyz. Qazirgi tańda elińdi, ultyńdy jarnamalap, tanytýdyń basty qarýy mýzyka. Endeshe sol mýzyka qudiretimen qundylyqtarymyzdy kóterip ári kórsete bilýimiz tıis», dedi Erbolat Bedelhan.
