Foto: istockphoto.com
Vıse-mınıstrdiń aıtýynsha, 30 beınerolık jasalyp, olar respýblıkalyq telearnalardyń efırinde 50 retten kóp kórsetilgen, odan soń qoǵamdyq oryndarda ornalastyrý úshin óńirlerge berilgen. Sonymen qatar, osy jazǵy maýsymda otandyq telearnalarda balalardy sıfrlyq jáne qarjylyq saýattylyqqa úıretetin, sondaı-aq ulttyq mádenıet pen sportty ilgeriletetin 9 jańa joba iske qosylady.
Mınıstr: Balalardyń jazǵy demalysy jańa talappen uıymdastyrylady
Jalpy alǵanda, aldaǵy jazǵy naýqan aıasynda mınıstrlik murajaılar men teatrlarda 1,5 myńnan astam mádenı-aǵartý jobalaryn uıymdastyrady. Býrabaı aýdanynda alǵashqy respýblıkalyq shyǵarmashylyq lager ashylady. Sondaı-aq «Jasyl el» jasaqtarynda 34 myńnan astam jas ýaqytsha jumysqa ornalastyrylady.
«Mınıstrlik ınternet-keńistikte zańsyz kontenttiń taralýyna monıtorıng júrgizý jáne shekteý jumystaryn qatar júrgizip jatyr. Jyl basynan beri balalardy quqyqqa qarsy aqparattan qorǵaý maqsatynda zańsyz aqparatty qamtıtyn 6 863 ınternet-resýrsqa qoljetimdilik shekteldi, al áleýmettik jeli ákimshilikterine 869 pablıkti buǵattaý boıynsha 20 myńnan astam materıal jiberildi», dep atap ótti birinshi vıse-mınıstr.
Eske sala keteıik, jyl basynda Almatyda alaıaqtyqqa qatysy bar 17,6 myń ınternet-resýrs buǵattaldy.
