Qazaqstan, Tájikstan jáne О́zbekstan jazda sýdy ózara qalaı bólisedi?

1 mın

oqý úshin

Sý resýrstary jáne ırrıgasııa mınıstri Nurjan Nurjigitov, Tájikstannyń Energetıka jáne sý resýrstary mınıstri Djýma Daler jáne О́zbekstannyń Sý sharýashylyǵy mınıstri Shavkat Hamraev 2026 jyldyń maýsym-tamyz aılaryna arnalǵan «Bahrı-Tochık» sý qoımasynyń jumys rejımi boıynsha kelisimge kelip, úshjaqty hattamaǵa qol qoıdy, dep habarlaıdy Egemen.kz.

Shyńǵys MUQAEV

Qazaqstan, Tájikstan jáne О́zbekstan jazda sýdy ózara qalaı bólisedi?

Foto: istockphoto.com

Bekitilgen jumys rejımine sáıkes, jaz mezgilinde Túrkistan oblysynyń Maqtaaral men Jetisaı aýdandary dıqandaryn sýmen qamtamasyz etý úshin «Bahrı-Tochık» sý qoımasynan sý jiberiledi.

«Ońtústik óńirlerdi sýarmaly sýmen qamtamasyz etý máselesi erekshe baqylaýda tur. Qol jetkizilgen kelisimder – Ortalyq Azııa elderi arasyndaǵy syndarly ózara is-qımyl men ózara qoldaýdyń nátıjesi. Qabyldanǵan sharalar vegetasııa kezeńiniń turaqty ótýin qamtamasyz etip, otandyq dıqandarǵa qoldaý kórsetýge múmkindik beredi», dedi Nurjan Nurjigitov.

Qazaqstan qazirdiń ózinde sý tapshylyǵy aımaǵynda tur: sý resýrstarynyń 45%-y transshekaralyq kózder arqyly qalyptasady

Kezdesý qorytyndysy boıynsha Qazaqstan, Tájikstan jáne О́zbekstannyń sý sharýashylyǵy vedomstvolarynyń basshylary óńirdegi sý resýrstaryn utymdy jáne ózara tıimdi paıdalaný baǵytyndaǵy yntymaqtastyqty odan ári nyǵaıtýǵa daıyn ekenin rastady.