Foto:istockphoto.com
Mamannyń sózinshe, Almaty taý klasterindegi kólik júıesin damytý jumystary sońǵy úsh jyl boıy júrgizilip keledi. 2024 jyly Kishi Almaty shatqaly boıynsha kólik qoljetimdiligi tujyrymdamasy ázirlense, 2025 jyly Úlken Almaty shatqalyna qatysty jańa konsepsııa daıyndalǵan.
«Tujyrymdama aıasynda jeke avtokólikterdiń kirýin shektelgenimen, qoǵamdyq kólik arqyly qatynaý qoljetimdiligi qarastyrylǵan», dedi ol.
Joba aıasynda arnaıy perehvattyq turaqtar salý josparlanǵan. Olar qalanyń ishinde de, taý baǵytyndaǵy joldardyń boıynda da ornalasady. Artýr Shahbazıannyń sózinshe, júrgizýshiler kólikterin sol turaqtarǵa qaldyryp, ary qaraı shattldarmen qatynaı alady.
«Jospar boıynsha, baǵyttarǵa 30 adamǵa deıin syıatyn shattldar men elektrli shaǵyn avtobýstar qatynaıdy. Olar týrıstik kýrort ınfraqurylymymen birge iske qosylmaq. Shattldar keminde ár 10 mınýt saıyn qatynaıdy. Sonymen qatar 12, 21, 28 jáne Úlken Almaty shatqalyna qatynaıtyn 211 baǵyttaǵy avtobýstardyń jumysy kúsheıtiledi», dedi maman.
Alaıda jańa ınfraqurylym barlyq kólikke ashyq bolmaıdy. Keıbir joldar tek shattldarǵa, qoǵamdyq kólikke jáne qyzmettik kólikterge arnalǵan.
Shymbulaq pen Oi-Qaragai kýrorttaryn baılanystyratyn aspaly joldar salynady
Mamannyń aıtýynsha, mundaǵy negizgi maqsat joldy keńeıtý emes, kólik aǵyndaryn tıimdi basqarý. Onyń pikirinshe, keptelister kólik sanynyń kóptiginen emes, qozǵalystyń durys uıymdastyrylmaýynan týyndaıdy.
Aıta keteıik, jobalyq sheshimder qazirgi ýaqytta Kókjaılaý men Almaty taý kýrorty jobasyn ázirleý prosesinde qarastyrylyp jatyr.
