Foto: Kazakh Tourism Development
Sóz barysynda spıker jobany talqylaý uzaq ýaqyt boıy «mıfter men qorqynyshtar» aıasynda qalyp qoıǵanyn atap ótip, aýmaqtyń damý áleýeti týraly aıtty.
«13 jyl ýaqyt ótti. Budan ne shyqty? Qaıǵyly oqıǵalar men jaraqattar oryn alyp, qoqys, taptalǵan soqpaqtar men lastanǵan aýmaqtar qaldy», degen qoǵam qaıratkeri ınfraqurylymnyń bolmaýy tabıǵatqa túsetin salmaqty arttyrǵanyna basa mán berdi.
Kókjaılaýda «Almaty Superski» kýrortyn salý boıynsha qoǵamdyq tyńdaý bastaldy
Sondaı-aq ol joba aıasynda turǵyn úı qurylystary júrgizilmeıtinin jetkizdi.
«Onda turǵyn úı keshenderi de, qorshaýlar da bolmaıdy. Jer memleket menshiginde qalady jáne erekshe qorǵalatyn tabıǵı aýmaqtarǵa jatady», dedi Muhtar Taıjan.
Qoǵamdyq talqylaýda spıker sózine qatysýshy jastar qoldaý bildirdi.
Aıta keteıik, «Almaty Superski» jobasy – Almaty qalasynyń mańynda halyqaralyq deńgeıdegi zamanaýı taý kýrortyn qurýǵa baǵyttalǵan keshendi bastama. Joba aıasynda qysqy týrızmdi (shańǵy, snoýbord) damytýmen qatar, jaıaý serýen baǵyttaryn, ekotýrızmdi damytý kózdelgen.
