Foto: Kazakh Tourism Development
Kazakh Tourism Development kompanııasynyń bastamasymen qolǵa alynyp jatqan joba Kókjaılaý shatqaly men Kúmbel shyńy aýmaǵynda jalpy uzyndyǵy 65 shaqyrymnan asatyn shańǵy trassalary bar taý-shańǵy ınfraqurylymyn damytýdy kózdeıdi. Buǵan deıin joba ótken jyly beıresmı túrde Úkimet basshysy Oljas Bektenovke tanystyrylǵan. Al kýrorttyń jańartylǵan jospary 2025 jyldyń qyrkúıeginde bekitilgen.
Tyńdaýlar barysynda zalda jobany qoldaǵan plakattarmen kelgen jastar da boldy. Olar taý klasterin damytý jáne Almatyda jańa týrıstik ınfraqurylym qalyptastyrý bastamasyn qoldaıtyndaryn kórsetti.
Talǵat Ǵazızov: Qazaqstanda týrızm salasy turaqty ósim kórsetip otyr
Jastardyń aıtýynsha, taý kýrorttaryn damytý Almatyny halyqaralyq týrıstik deńgeıge shyǵarýdyń mańyzdy qadamy bolmaq.
Jıynda Premer-mınıstrdiń orynbasary – Mádenıet jáne aqparat mınıstri Aıda Balaeva «Almaty Superski» jobasy taýdaǵy týrızmdi damytýdyń úlgisine aınalýǵa tıis ekenin atap ótti.
