Foto: Ashyq derekkóz
Ol aldaǵy 2026-2027 oqý jylyna 89 457 memlekettik grant bólingenin atap ótti. Olardyń ishinde:
- bakalavrıatqa – 75 371;
- magıstratýraǵa – 11 007;
- doktorantýraǵa – 3 079.
Memlekettik tapsyrysty bólý el ekonomıkasynyń 2030 jylǵa deıingi qajettilik boljamymen sáıkestendirilgen.
«Granttardyń 60%-y ınjenerlik-tehnıkalyq jáne aýyl sharýashylyǵy mamandyqtaryna, 21%-y pedagog kadrlardy daıarlaýǵa baǵyttalǵan», dep atap ótti Saıasat Nurbek.
Vedomstvo málimetinshe:
- ınjenerlik, óńdeý jáne qurylys salalaryna – 19 250;
- pedagogıkalyq ǵylymdarǵa – 13 738;
- aqparattyq-kommýnıkasııalyq tehnologııalar boıynsha – 11 662;
- jaratylystaný ǵylymdary, matematıka jáne statıstıkaǵa – 9 363;
- aýyl sharýashylyǵy jáne bıoresýrstarǵa – 3 145;
- densaýlyq saqtaý salasyna – 2 700;
- qyzmetter boıynsha – 2 400;
- óner jáne gýmanıtarlyq ǵylymdarǵa – 1 915;
- áleýmettik ǵylymdar, jýrnalıstıka jáne aqparat boıynsha – 1 485;
- bıznes, basqarý jáne quqyqqa – 1 423;
- veterınarııaǵa – 1 275 grant bólingen.
Oǵan qosymsha elimizdiń joǵary oqý oryndary «Serpin» baǵdarlamasy aıasynda kásiptik baǵdar berý jumystaryn júrgizip jatyr. Is-sharalarmen 13 myńnan astam oqýshy, 2 myńǵa jýyq ata-ana jáne 700-den astam kásiptik baǵdar berýshi qamtylǵan.
Osylaısha, búginde oqýshynyń kásibı dıagnostıkasynan bastap bilim berý baǵdarlamasyn tańdaýǵa jáne ári qaraı jumysqa ornalasýǵa deıingi bilim berý navıgasııasynyń birtutas júıesi qalyptasyp otyr.
Aıta keteıik, bıyl oqý jylyn aıaqtaǵan oqýshylar sany sońǵy 25 jyldaǵy eń joǵary kórsetkishke jetti.
