Foto: Erlan Omar/Egemen.kz
Tergeý málimetinshe, «KazStroıOpyt LTD» kompanııasynyń basshysy konsaltıngtik qyzmet kórsetýdi syltaý etip, qurylys salasyndaǵy jumys tájirıbesin qoldan jasaý shemasyn uıymdastyrǵan.
Kúdiktiler «Elektrondyq depozıtarıı» júıesine oryndalǵan jumystar men nysandardy paıdalanýǵa berý týraly jalǵan aktiler engizip otyrǵan. Sonyń arqasynda tapsyrys berýshi kompanııalar memlekettik satyp alýǵa qatysý kezinde zańsyz artyqshylyqqa ıe bolǵan.
Jemqorlyqpen kúres: Alty jylda 1 000-nan astam sheneýnik sotty boldy
Atalǵan shema áleýmettik jeliler men ınternet platformalarda belsendi túrde jarnamalanǵan.
Tergeý barysynda qylmystyq top quramynda 11 adamnyń bolǵany anyqtaldy. Sondaı-aq, Shymkent qalasynyń Sáýlet, qala qurylysy jáne jer qatynastary basqarmasy laýazymdy tulǵalaryna jalǵan jumys tájirıbesin rastaý úshin zańsyz syıaqy jetkizip otyrǵan deldaldar da anyqtalǵan.
Qylmystyq tabysty zańdastyrý úshin baqylaýdaǵy zańdy tulǵalar paıdalanylyp, olar arqyly qarajat jınalyp, qolma-qol aqshaǵa aınaldyrylǵan.
Tergeý deregine sáıkes, qylmystyq kiris kólemi 490 mıllıon teńgeden asqan.
Saılaý júıesindegi jańa talap: Jemqorlyqpen sottalǵandar komıssııa múshesi bola almaıdy
Sonymen qatar, jalǵan tájirıbe qujattaryn alǵan jáne memlekettik satyp alýǵa qatysqan 56 kompanııa anyqtaldy. Olardyń materıaldary tekserý júrgizý úshin ýákiletti organdarǵa joldanǵan.
Qazir úsh kúdikti qamaýǵa alynsa, taǵy segiz adamǵa elden shyqpaý jáne tıisti minez-qulyq týraly qolhat túrindegi bultartpaý sharasy qoldanylǵan.
Qylmystyq is sotqa jiberildi.
