Foto: JI kómegimen jasalǵan
Mınıstrdiń aıtýynsha, jyl basynan beri vedomstvoaralyq is-sharalar jospary júzege asyrylyp keledi. Onyń aıasynda Eńbek kodeksi men «Qyzmetkerdi eńbek mindetterin atqarý kezinde jazataıym oqıǵalardan mindetti saqtandyrý týraly» zańǵa ózgerister engizý qarastyrylyp jatyr.
Usynylǵan túzetýlerge sáıkes, jumys berýshilerdiń kámeletke tolmaǵan qyzmetkerler úshin qaýipsiz eńbek jaǵdaılaryn qamtamasyz etý jaýapkershiligi kúsheıtiledi. Sonymen qatar jasóspirimderdiń jazataıym oqıǵalardan saqtandyrý qorǵanysyn alý quqyǵy zań júzinde bekitilmek.
Tarazdyq oqýshy qaterli isikti anyqtaıtyn ǵylymı jobasymen álemdik kórmede top jardy
Sondaı-aq qujatta kámeletke tolmaǵandardy jumysqa tartýdyń ruqsat etiletin jáne tyıym salynatyn túrleri naqty aıqyndalady. Bul rette olardyń jasy, atqaratyn jumysynyń sıpaty jáne qaýipsizdik talaptary eskeriledi.
Vedomstvo málimetinshe, usynylyp otyrǵan ózgerister Halyqaralyq eńbek uıymy qabyldaǵan №182 Konvensııa talaptaryna sáıkes keledi. Atalǵan qujat balalar eńbeginiń eń aýyr túrlerine tyıym salýǵa baǵyttalǵan.
Zańnamalyq ózgeristermen qatar baqylaý sharalary da kúsheıtiledi. Endi kámeletke tolmaǵandardyń jumyspen qamtylýyna monıtorıng arnaıy eńbek táýekelderi kartasy arqyly sıfrlyq formatta júrgiziledi. Budan bólek, táýekeli joǵary salalardaǵy beıresmı jumyspen qamtýǵa baqylaý kúsheıtilmek.
Aıta keteıik, elimizde 5 myńnan astam oqýshy jumys istep júr.
