Spıker sońǵy 13 jylda aýmaqtyń ınfraqurylymsyz qalǵanyn synǵa alyp, sonyń saldarynan qaýipsizdik máseleleri, qoqys pen tabıǵatqa túsetin salmaq artqanyn aıtty. Onyń pikirinshe, zamanaýı týrıstik ınfraqurylym bul túıtkilderdi júıeli túrde sheshýge múmkindik bermek.
Muhtar Taıjan joba aıasynda turǵyn úı keshenderi salynbaıtynyn, jer memleket menshiginde qalatynyn erekshe atap ótti. Sondaı-aq kýrort halyqaralyq deńgeıdegi týrızm ortalyǵyna aınalyp, Almaty ekonomıkasyna serpin berýi múmkin ekenin jetkizdi.
Muhtar Taıjan: «Almaty Superski» jobasy 20 myńǵa deıin jumys ornyn ashýy múmkin
Qoǵam belsendisi joba balalar sporty men qysqy týrızmdi damytýǵa da jol ashatynyn atap ótti. Mektep oqýshylaryn shańǵy sportyna tegin baýlý tájirıbesin Eýropa elderindegideı engizýge múmkindik týmaq.
Muhtar Taıjan ekologııa, qar, kóshkin jáne sý resýrstary tóńiregindegi alańdaýshylyqtarǵa da toqtala kele, qazirgi tehnologııalar qaýipsizdik pen tabıǵatty qorǵaý talaptaryn qamtamasyz etýge qabiletti ekenin atap ótti. Sonymen qatar tarıhı-mádenı mura nysandary saqtalyp, baǵyttardyń bir bóligine aınalatynyn jetkizdi.
