Foto: Ashyq derekkóz
Almatydaǵy taý ınfraqurylymyn damytýǵa arnalǵan talqylaý barysynda Nursultan Shoqanov qaladaǵy taý klasterine túsetin júktemeniń jyl saıyn artyp kele jatqanyn aıtty. Onyń sózinshe, qazirgi ınfraqurylym suranysty tolyq qamtamasyz ete almaı otyr.
«Biz kún saıyn ınfraqurylym tapshylyǵyn jáne Almaty taý klasterine túsetin júktemeniń artyp jatqanyn kórip otyrmyz. Qalanyń ári qaraı damýy úshin naqty qandaı sheshimder qajet ekenin jaqsy túsinemiz», dedi ol.
Shoqanovtyń aıtýynsha, búginde Almaty – Qazaqstandaǵy sportshylarǵa jyl boıy tolyqqandy daıyndyq jasaýǵa múmkindik beretin jalǵyz qala. Qazirgi tańda alpınızm jáne sporttyq quzǵa órmeleý boıynsha ulttyq quramanyń 60 paıyzdan astamyn almatylyq sportshylar quraıdy.
«Mıfpen ómir súrýdi doǵaraıyq»: Qoǵam qaıratkeri «Almaty Superski» jobasyn qoldaýǵa shaqyrdy
Federasııa prezıdenti Almaty Super Ski jobasy aıasynda 150 shaqyrymnan astam jańa shańǵy trassasyn salý josparlanyp otyrǵanyn aıtty. Joba Shymbulaq, Pıoner, Oi-Qaragai, Kımasar jáne Býtakovka kýrorttaryn birtutas júıege biriktirýdi, sondaı-aq Kókjaılaý baǵytyn damytýdy kózdeıdi.
«Almatynyń Ortalyq Azııadaǵy eń iri taý týrızmi ortalyǵyna aınalýyna barlyq alǵyshart bar,» dedi Nursultan Shoqanov.
Ol bul baǵyt tek shańǵy trassalary men aspaly joldar salýmen shektelmeıtinin atap ótti. Onyń pikirinshe, salany tolyqqandy damytý úshin qonaqúıler, kólik qoljetimdiligi, ınjenerlik jeliler, qaýipsizdik júıeleri jáne zamanaýı servıstik ınfraqurylym qatar damýy qajet.
Spıker týrızm salasynyń ekonomıkalyq áleýetine de toqtaldy. Onyń málimetinshe, tek 2025 jyldyń ózinde Almatyǵa shamamen 2,5 mıllıon týrıst kelgen. Al týrıstik qyzmetterdiń kólemi 110 mıllıard teńgeden asqan.
«Qosymsha bir mıllıon týrıst óńir ekonomıkasyna shamamen 900 mıllıon dollar tikeleı ekonomıkalyq áser ákelýi múmkin», dedi federasııa prezıdenti.
Sondaı-aq, ol Almaty úshin óz áleýetin kásibı, júıeli ári ekologııalyq talaptardy saqtaı otyryp damytý mańyzdy ekenin atap ótti. Onyń sózinshe Orta Azııa elderi arasynda týrızm salasynda báskelestik artqan. Bul baǵytta Qyrǵyzstan halyqaralyq týrıstik baǵyttardy belsendi damytsa, Qytaı qysqy sport túrlerine júıeli túrde ınvestısııa quıýda.
Jıynda Almatyny damytý ortalyǵy janyndaǵy jobalyq keńseniń «Kólik júıesin damytý» bazalyq baǵytyn iske asyrý tobynyń jetekshisi Artýr Shahbazıan Kókjaılaýǵa arnaıy shattldar qatynaıtynyn aıtty.
