Aımaqtar • 21 Jeltoqsan, 2021

Shymkent qalasynyń ákimi revaksına aldy

70 ret kórsetildi

Búgin Shymkent qalasynyń ákimi Murat Áıtenov koronavırýs ınfeksııasyna qarsy ekpeniń úshinshi quramdas bóligin saldyrdy, dep jazady Egemen.kz.

Shahar basshysy №3 qalalyq emhanaǵa baryp, otandyq QazVac ekpesin aldy. Ekpeden keıin 30 mınýt medısınalyq baqylaýda boldy, jaǵdaıy jaqsy.

«Búginge deıin qalada koronavırýsqa qarsy vaksınanyń I komponentin 589 843 adam saldyrǵan. Ekpeniń II komponentin alǵandar sany – 560 218 adamǵa jetti. 12002 azamat revaksınalandy. Búgin ózim de revaksına jasattym. Osy revaksına arqasynda Shymkent úsh aı boıy «jasyl aımaq» statýsynda. Turǵyndardy qaıta ekpe saldyryp, ınfeksııanyń yqtımal tolqyndarynan saqtanýǵa shaqyramyn. Bul óz jáne jaqynymyzdyń saýlyǵy úshin jasalatyn óte mańyzdy qadamdardyń biri», dedi qala ákimi.

1

Shymkentte ekpeni qaıta alǵandardyń basym bóligi medısına mamandary men muǵalimder. Medısına mamandarynyń aıtýynsha, buǵan deıin eki komponentti saldyrǵan adamnyń aǵzasynda kovıdke qarsy antıdeneler qalyptasady. Ekpeden keıin qalyptasqan ımmýnıtet arada birneshe ýaqyt ótkennen keıin tómendeı bastaıdy.

Al revaksınalaý aǵzada qalyptasqan ımmýnıtetti qaıta qalpyna keltirip, ınfeksııadan qorǵaný júıesin arttyrady. Sol sebepti úshinshi kezeń boıynsha ekpe alatyndarǵa bir ǵana dozadan vaksına salynady. Úshinshi doza alǵashqy eki dozadan keıin 6-9 aı ótken soń salynady.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar