Keshe Almaty Arena sport kesheninde spartakıadanyń resmı ashylý saltanaty ótti. Is-sharaǵa Mádenıet jáne sport vıse-mınıstri Serik Jarasbaev, Almaty qalasy sport basqarmasynyń basshysy Rústem Baıseıitov jáne UOK Sport dıreksııasynyń dırektory Elsııar Qanaǵatov qatysty.
Spartakıada qatysýshylary sporttyń 14 túri boıynsha ózara baq synasýda. Atap aıtqanda, bıatlon, kerlıng, konkımen júgirý, mánerlep syrǵanaý, short-trek, shaıbaly hokkeı (erler jáne áıelder), taý shańǵysy, aralas shańǵy, shańǵymen sekirý, snoýbord, frıstaıl-mogýl jáne frıstaıl akrobatıka. Jarysqa 14 oblys pen Nur-Sultan, Almaty, Shymkent qalalarynan 1400-ge jýyq sportshy qatysýda. Spartakıada 27 jeltoqsanda óz máresine jetedi.
