«Súıinshi» syıqoraptary

Bul qoraptarda bóbekterge kerekti zattardan bólek, el Prezıdenti Qasym-Jomart Toqaevtyń qut­tyqtaý tilegi jazylǵan ashyq hat, «Táýelsiz Qazaqstanǵa 30 jyl» tıyny men balanyń týý týraly kýáligi salynǵan.

«Dúnıege sábıimiz kelip bir qýansaq, «Súıin­shi» qorabyn alyp qýanyshymyz eselenip jatyr. Onyń ústine sábıimiz mereke kúni dúnıege keldi. Qýanyshymda shek joq. Prezıdenttiń ózi quttyqtaý hatyn joldap jatsa, nege qýanbasqa! Balam Qazaqstan Respýblıkasynyń baqytty balalarynyń bir bolyp ósedi dep senemin! О́mirge alǵashqy kelgen kúnnen qurmetke ıe bolyp jatyr. Elimizde analar da, balalar da baqytty bolsyn!», deıdi Almaty qalasynyń turǵyny Gúlfııa Eskeldınova.

«16 jeltoqsan, mereke kúni meniń ulym dúnıege keldi. О́te baqyttymyn! Saıan bizdiń úshin­shi balamyz. Búgin bizge Prezıdenttiń qut­tyq­taýymen syılyq ákeldi. Kútpegen, kere­met jaǵymdy jańalyq boldy. Qorapta ana men balaǵa qajet nárseniń bári bar. Uıym­dastyrýshylarǵa rahmet!», deıdi Dınara.

Táýelsizdik kúni dúnıege kelgen 2 myńnan astam sábıge baby-bokstar syıǵa tartyldy.

Aıta ketý kerek, «Súıinshi» syıqoraptaryn Sıfrlyq damý, ınnovasııalar jáne aero­ǵarysh mınıstrligi «Azamattarǵa arnalǵan úki­met­pen birge jáne Ulttyq bank, Sentr­kre­dıt banki jáne «Qazposhta» AQ qatysýymen uıymdastyrdy.

ALMATY