Keńes jumysyna Aqparat jáne qoǵamdyq damý mınıstri A.Balaeva, sondaı-aq QR Parlamenti Májilisiniń depýtattary, barlyq óńirlerden birqatar keńes músheleri qatysty.
Mınıstr bıyl Prezıdent «Ulttyq jobalar tizbesin bekitý týraly» Jarlyqqa qol qoıǵanyn eske saldy.
«Biz táýelsizdiktiń tórtinshi onjyldyǵyna Ulttyq jobalar aıasynda jańa mindettermen enip otyrmyz. Sonyń ishinde, «Ulttyq Rýhanı jańǵyrý» ulttyq jobasy baryn bilesizder. «Táýelsizdik urpaqtary» osy jobanyń úshinshi aýqymdy baǵyty. Onyń aıasynda, jastardyń bazalyq suranystaryn anyqtap, sapaly jáne qoljetimdi bilim berý, jumysqa ornalastyrý, turǵyn úımen qamtamasyz etý, olardy qoǵamdyq paıdaly isterge tartyp, básekege qabiletin arttyrý syndy naqty maqsattar kózdelgen», dedi A.Balaeva.
Mınıstr respýblıkalyq jáne óńirlik jastar uıymdaryn ózara belsendi is-qımyl jasap, qarym-qatynas ornatýǵa shaqyrdy.
«Jastar uıymdary qoǵamdyq mańyzy bar jobalardy iske asyrýy tıis», dep atap ótti A.Balaeva.
Is-shara sońynda Mınıstr keńestiń belsendi jas múshelerin Alǵys hattarmen marapattap, barlyǵyn Táýelsizdiktiń 30 jyldyǵymen quttyqtady.
