Aǵaıyndy segiz boksshy synǵa tústi
Oralda ótken chempıonatta 3 altyn medal jeńip alǵan Nur-Sultan qalasynyń bylǵary qolǵap sheberleri komandalyq esepte kósh bastady. Al 2 altyn, 1 kúmis jáne 1 qola medal enshilegen túrkistandyqtar ekinshi oryndy enshilese, Qaraǵandydan kelgen boksshylar 2 altyn jeńip, jalpykomandalyq esepte úzdik úshtikti túıindedi.
El birinshiliginde 8 birdeı boksshy tuńǵysh ret Qazaqstan chempıony atandy. Muny álem chempıonatynda júlde alǵan bes boksshy men jahan jarysynda aýyr jekpe-jek ótkizgen Aslanbek Shymbergenovti (71 kg) jarystan bosatqanymen baılanystyrýǵa bolady. Sonymen qatar buǵan deıin quramanyń kóshbasshysy sanalǵan, búginde kásipqoı boksta júrgen Bekzat Nurdáýletov pen Qamshybek Qońqabaev jáne boks qolǵabyn shegege ilgen Temirtas Júsipov, Zákir Safıýllın, Vasılıı Levıt syndy bylǵary qolǵap sheberleriniń quramadan ketýi de jas boksshylarǵa jol ashty. Keıbir salmaq dárejelerinde chempıondyq ataqqa jete almaı júrgen boksshylar myqtylardyń joqtyǵyn paıdalanyp, el chempıony atandy. Atap aıtsaq, 48 kg salmaqta Sanjar Tashkenbaı, Damır Ábdiqadyr (51 kg), Talǵat Syrymbetov (54 kg), Asylqul Orazbekov (57 kg), Vasılıı Samchýk (60 kg), Ermahan Jaqpekov (71 kg), Nurqanat Raıys (75 kg), Saǵyndyq Toǵambaı (86 kg) alǵash ret Qazaqstan chempıony atandy.
Bir qyzyǵy, Qazaqstan chempıonatynda Aıbek (92 kg), Nurbek (80 kg) Oralbaılar, Samatáli (60 kg), Sanatáli (63,5 kg) Tóltaevtar, Ermahan (71 kg), Erasyl (80 kg) Jaqpekovter jáne Nurlan (+92 kg), Danııal (+92 kg) Saparbaı syndy aǵaıyndy segiz boksshy synǵa tústi. Solardyń altaýy júldege ilindi. Tipti asa aýyr salmaqta synǵa túsken aǵaıyndy Nurlan jáne Danııal Saparbaılar bir-birimen kezdesip qalýy da múmkin edi, eger Danııal shırek fınalda súrinbegende.
Atyraýlyqtardyń qarqyny kúshti
Chempıonattyń qorytyndysy boıynsha komandalyq esepte tórtinshi oryndy Atyraý boksshylary aldy. Buryn-sońdy atyraýlyqtarǵa komandalyq esepte úzdik tórttikke kirý bylaı tursyn, júldeli oryndarǵa ilinýdiń ózi qıyn bolatyn. 2013 jyly Atyraýda ótken el birinshiliginde sharshy alań ıelerine 1 altyn, 3 qola medal buıyrǵan edi. Bul joly úsh birdeı atyraýlyq boksshy fınalda óner kórsetti. Atap aıtsaq, 75 kıloda Nurqanat Raıys jeńimpaz atansa, 54 kılo salmaq dárejesinde Oljas Baınııazov pen +92 kılo salmaqtaǵy Amanat Sabyrǵalı kúmis medaldy qanaǵat tutty. Atyraýlyqtardy kópten beri Qazaqstan quramasynyń burynǵy boksshysy Qanat Oraqbaev baptap júr.
Al qysqy sport túrinen aldyna jan salmaıtyn aımaqtyń biri Soltústik Qazaqstan oblysy boksqa kelgende nemquraılyq tanytatyn sekildi. Sebebi Oralda ótken Qazaqstan chempıonatynda osy óńirdiń boksshylary ǵana júldege iline almady.
Chempıondardyń joly túıisti
Sonymen, keshe 13 salmaqta el chempıondary men júldegerleri anyqtaldy. Osy tusta tek 75 kılo men 92 kılo salmaqtaǵy jekpe-jekterge toqtalǵandy jón kórip otyrmyz. 75 kılo salmaqta fınalǵa joldama alǵan Nurqanat Raıys pen Aıatýlla Takıjanovtar – byltyrǵy Qazaqstan chempıonatynyń kúmis jáne qola júldegerleri. Sondyqtan eki qarsylas bir-birin jaqsy biledi. Álem chempıonatynyń kúmis júldegeri Ábilhan Amanqul quramadan ketkennen keıin Serbııada ótken álem birinshiliginde el namysyn kim qorǵaıtynyn bilý úshin osy eki boksshy arasynda jekpe-jek ótkizilgen-di. Sol synda Nurqanat sál ǵana basymdyqpen jeńiske jetken edi. Osy joly Aıatýlla fınaldyq aıqas bastala sala qolynyń uzyndyǵyn paıdalanyp, soqqy jasaı bastady. Birneshe soqqyny ótkizip alǵan Nurqanat ekinshi-úshinshi raýndta ǵana belsendilik tanytty. Alma-kezek shabýyldarmen ótken kezdesýde 3:2 esebimen Nurqanat Raıys chempıon atandy.
92 kılo salmaqta Aıbek Oralbaı men Abzal Quttybekov arasyndaǵy fınaldyq aıqas bokssúıer qaýymnyń kóńilinen shyqty. Olaı bolmaǵanda she?! Aıbek jastar arasynda Olımpıada chempıony bolsa, Abzal – áskerıler arasynda álem chempıony. Qos halyqaralyq dárejedegi boksshy arasyndaǵy úsh raýndqa sozylǵan jekpe-jek alma-kezek soqqylarmen órbidi. Nátıjesinde, birinshi raýndta barlyq tóreshi basymdyqty Aıbekke berse, ekinshi raýndta bes tóreshiniń tórteýi Abzaldy úzdik dep tanydy. Sheshýshi, úshinshi raýndta belsendilik tanytqan Aıbekke bes tóreshiniń úsheýi jeńisti berip, qorytyndy esepte 4:1 esebimen jeńiske jetip, A.Oralbaı Qazaqstan chempıony atandy.
Endi Qazaqstan chempıony atanǵan jas boksshylar qańtar aıynda tuńǵysh ret 22 jasqa deıingi boksshylar arasynda ótetin Azııa chempıonatyna qatysady. Al tolyq quramdaǵy bylǵary qolǵap sheberleri jazda ótetin Azııa oıyndarynda baqtaryn synaıdy.
Ǵalı ESQALIEV,
Batys Qazaqstan oblysynyń ákimi:
– Prezıdent tapsyrmasyna sáıkes oblysymyzǵa qarasty aýdandarda 13 sport kesheni salynýǵa tıis. Ázirge 7 sport kesheni paıdalanýǵa berildi, qalǵany salynyp jatyr. Jalpy, sońǵy jyldary sportqa kóp kóńil bólip kelemiz. Bıyldyń ózinde karateden, dzıýdodan Qazaqstan chempıonatyn uıymdastyrdyq. Mine, Táýelsizdiktiń 30 jyldyǵyna oraı bokstan Qazaqstan chempıonatyn Oral óńirinde tuńǵysh ret ótkizip otyrmyz. Buǵan deıin bizdiń shaharda iri kólemde boks dodasy ótpegenin eskersek, osyndaı saıystar óńirden bolashaq chempıondardyń shyǵýyna jol ashady dep oılaımyn. Qazaqstan birinshiliginiń fınalynda oblysymyzdyń eki boksshysy óner kórsetti. Bul da jaqsy nátıje. Jalpy, bıyldyń ózinde eresekter men jastar arasynan óńirimizden 14 álem chempıony, 3 Eýropa jáne 8 Azııa chempıony shyqty.
Rahymjan RYSBAEV,
London jáne Rıo Olımpıadalarynyń tóreshisi:
– Oral qalasyndaǵy aıtýly is-shara óte joǵary deńgeıde ótti. Osyǵan baılanysty birinshi kezekte Batys Qazaqstan oblysy Boks federasııasynyń basshysyna alǵysymdy bildiremin. Jahandyq jarys pen Qazaqstan birinshiligi arasyndaǵy ýaqyt tyǵyz bolǵandyqtan chempıonatta quramanyń keıbir boksshylary óz deńgeıinde óner kórsete almady. Ony túsinýge de bolady. Soǵan qaramastan, chempıon atanǵan boksshylarymyz aldaǵy ýaqytta halyqaralyq týrnırlerde top jarady dep senemin. Jartylaı fınal men fınaldyq kezdesýlerde tóreshiler óte joǵary deńgeıde qyzmet atqardy.
Arkadıı TOPAEV,
bokstan álem kýbogynyń jeńimpazy:
– Boks derjavasy bolǵymyz kelse, Qazaqstan chempıonatyn árdaıym osyndaı joǵary deńgeıde uıymdastyrýymyz kerek. Quramaǵa kóptegen jas sportshy kelip jatyr. Olardyń barlyǵy halyqaralyq arenada tájirıbe jınaýy kerek. Sebebi dál qazir quramaǵa kelgen jastar álemde kóshbasshy bolýǵa daıyn emes. Kelesi Olımpıadaǵa deıin biraz ýaqyt bar. Tynbaı daıarlyq jasasa, boksshylarymyz óz qabiletin áli-aq kórsetedi. Sondaı-aq boksshylardyń boıyndaǵy namysyn oıatý – basty másele. Kózinde oty, boıynda jeńiske degen jigeri bar sportshy ǵana joǵary nátıje kórsete alady.
Qazaqstan chempıonaty. Oral qalasy, 2021 jyl
Jeńimpazdar men júldegerler
|
№ |
48 kg |
№ |
51 kg |
|
1 |
Sanjar Tashkenbaı (Nur-Sultan q.) |
1 |
Damır Ábdiqadyr (Almaty obl.) |
|
2 |
Danıal Sábıt (BQO) |
2 |
Nursultan Nýrıdenov (BQO) |
|
3 |
Kenje Muratuly (Almaty obl.) |
3 |
Tımýr Qabdeshov (Aqmola obl.) |
|
Ernur Qaırat (Almaty q.) |
Qýanysh Dúısenbaı (Mańǵystaý obl.) |
||
|
|
|||
|
№ |
54 kg |
№ |
57 kg |
|
1 |
Talǵat Syrymbetov (Qaraǵandy obl.) |
1 |
Orazbek Asylqulov (Aqmola obl.) |
|
2 |
Oljas Baınııazov (Atyraý obl.) |
2 |
Aıdos Arapov (Qostanaı obl.) |
|
3 |
Dáýlet Moldashev (ShQO) |
3 |
Erbolat Sabyr (Pavlodar obl.) |
|
Nursultan Altynbek (Qyzylorda obl.) |
Beıbarys Jeksen (Jambyl obl.) |
||
|
|
|||
|
|
60 kg |
|
63,5 kg |
|
1 |
Vasılıı Samchýk (Qaraǵandy obl.) |
1 |
Dilmurat Mıjıtov (Almaty q.) |
|
2 |
Ádilet Qurmetov (ShQO) |
2 |
Abzal Serik (Shymkent q.) |
|
3 |
Samatáli Tóltaev (Mańǵystaý obl.) |
3 |
Sanatáli Tóltaev (Mańǵystaý obl.) |
|
Muhamedsabyr Bazarbaıuly (Túrkistan obl.) |
Sultan Mýsınov (Aqmola obl.) |
||
|
|
|||
|
|
67 kg |
|
71 kg |
|
1 |
Dýlat Bekbaýov (Jambyl obl.) |
1 |
Ermahan Jaqpekov (ShQO) |
|
2 |
Darhan Dúısebaı (Almaty obl.) |
2 |
Qýan Qýatov (Pavlodar obl.) |
|
3 |
Mıras Ertanov (Almaty obl.) |
3 |
Armat Armanuly (Almaty q.) |
|
Dáýlet Nysan (Shymkent q.) |
Nurjan Amangeldi (Almaty obl.) |
||
|
|
|||
|
|
75 kg |
|
80 kg |
|
1 |
Nurqanat Raıys (Atyraý obl.) |
1 |
Nurbek Oralbaı (Nur-Sultan q.) |
|
2 |
Aıatýlla Takıjanov (Pavlodar obl.) |
2 |
Jánibek Qartbaev (Aqtóbe obl.) |
|
3 |
Dıas Moljigitov (Jambyl obl.) |
3 |
Erkebulan Ákimbaı (Almaty obl.) |
|
Tımýr Nurseıitov (Almaty q.) |
Baýyrjan Baıǵonshekov (Pavlodar obl.) |
||
|
|
|||
|
|
86 kg |
|
92 kg |
|
1 |
Saǵyndyq Toǵambaı (Túrkistan obl.) |
1 |
Aıbek Oralbaı (Nur-Sultan q.) |
|
2 |
Mádı Ámirov (Almaty q.) |
2 |
Abzal Quttybekov (Túrkistan obl.) |
|
3 |
Ońtalap Rahmanov (Qyzylorda obl.) |
3 |
Erhat Bekzat (ShQO) |
|
Bekzat Tańatar (Shymkent q.) |
Beksultan Orynbaı (Shymkent q.) |
||
|
|
|||
|
|
+92 kg |
|
|
|
1 |
Nurlan Saparbaı (Túrkistan obl.) |
|
|
|
2 |
Amanat Sabyrǵalı (Atyraý obl.) |
|
|
|
3 |
Damır Toıbaı (Almaty q.) |
|
|
|
Erjan Seıtimbetov (Aqtóbe obl.) |
|
|
|
Komandalyq esep
|
№ |
Oblys/qala |
Altyn |
Kúmis |
Qola |
Barl. |
|
1 |
Nur-Sultan qalasy |
3 |
- |
- |
3 |
|
2 |
Túrkistan oblysy |
2 |
1 |
1 |
4 |
|
3 |
Qaraǵandy oblysy |
2 |
- |
- |
2 |
|
4 |
Atyraý oblysy |
1 |
2 |
- |
3 |
|
5 |
Almaty oblysy |
1 |
1 |
4 |
6 |
|
6 |
Almaty qalasy |
1 |
1 |
4 |
6 |
|
7 |
ShQO |
1 |
1 |
2 |
4 |
|
8 |
Aqmola oblysy |
1 |
- |
2 |
3 |
|
9 |
Jambyl oblysy |
1 |
- |
2 |
3 |
|
10 |
Pavlodar oblysy |
- |
2 |
2 |
4 |
|
11 |
BQO |
- |
2 |
- |
2 |
|
12 |
Aqtóbe oblysy |
- |
1 |
1 |
2 |
|
13 |
Qostanaı oblysy |
- |
1 |
- |
1 |
|
14 |
Shymkent qalasy |
- |
1 |
3 |
4 |
|
15 |
Mańǵystaý oblysy |
- |
- |
3 |
3 |
|
16 |
Qyzylorda oblysy |
- |
- |
2 |
2 |
|
17 |
SQO |
- |
- |
- |
0 |
Fınaldyq jekpe-jekterdiń nátıjeleri
48 kg: Danıal Sábıt (BQO) – Sanjar Tashkenbaı (Nur-Sultan q.) – 1:4
51 kg: Nursultan Nýrıdenov (BQO) – Damır Ábdiqadyr (Almaty obl.) – 0:5
54 kg: Oljas Baınııazov (Atyraý obl.) – Talǵat Syrymbetov (Qaraǵandy obl.) – 2:3
57 kg: Orazbek Asylqulov (Aqmola obl.) – Aıdos Arapov (Qostanaı obl.) – 3:2
60 kg: Vasılıı Samchýk (Qaraǵandy obl.) – Ádilet Qurmetov (ShQO) – 5:0
63,5 kg: Dilmurat Mıjıtov (Almaty q.) – Abzal Serik (Shymkent q.) – 3:2
67 keli: Darhan Dúısebaı (Almaty obl.) – Dýlat Bekbaýov (Jambyl obl.) – 0:5
71 kg: Qýan Qýatov (Pavlodar obl.) – Ermahan Jaqpekov (ShQO) – 1:4
75 kg: Nurqanat Raıys (Atyraý obl.) – Aıatýlla Takıjanov (Pavlodar obl.) – 3:2
80 kg: Nurbek Oralbaı (Nur-Sultan q.) – Jánibek Qartbaev (Aqtóbe obl.) – 5:0
86 kg: Saǵyndyq Toǵambaı (Túrkistan obl.) – Mádı Ámirov (Almaty q.) – 5:0
92 kg: Aıbek Oralbaı (Nur-Sultan q.) – Abzal Quttybekov (Túrkistan obl.) – 4:1
+92 kg: Nurlan Saparbaı (Túrkistan obl.) – Amanat Sabyrǵalı (Atyraý obl.) – 5:0
