Mazmundy is-sharada alǵashqy sózdi alǵan atalǵan joǵary oqý ornynyń rektory, akademık Erlan Sydyqov Abaı atamyzdyń asyl murasy men ónegeli ómiri týraly parasatty oı qozǵap, qazirgi Qazaqstan qoǵamyn aqynnyń rýhanı ustanymyna saı damytý asa mańyzdy ekenin atap ótti.
− Memleket basshysynyń tikeleı tapsyrmasymen ashylǵan «Abaı akademııasy» ǵylymı-zertteý ınstıtýtynyń negizgi qyzmetiniń biri – Abaı murasymen qazaqstandyq qoǵamdy jańǵyrtý basymdyqtary jáne aqyn shyǵarmashylyǵyn búgingi qoǵamnyń damýymen sabaqtastyqta qarastyrý, − deı kelip, el Prezıdentiniń «Abaı jáne HHI ǵasyrdaǵy Qazaqstan» jáne «Abaı – rýhanı reformator» baǵdarlamalyq maqalalaryna sáıkes «Abaı – memleket isiniń múddelesi, jańa qoǵamnyń janashyry», «Abaı – ulttyq bolmystyń úlgisi», «Abaı – álemdik mádenıet tulǵasy» baǵyttary boıynsha taldamalyq, saýaldamalyq zertteýler júrgizip, elimizdegi abaıtanýmen aınalysatyn ǵylymı-zertteý ortalyqtaryn akademııanyń tóńiregine toptastyrý, ǵylymı turǵydan úılestirý ekenin alǵa tartty.
Jalpy, jıynda Abaı akademııasynyń jyl ishinde atqarǵan jumystary qorytyndylandy. Máselen, bıyl uly tulǵanyń murasyn keńinen nasıhattaý maqsatynda akademııa Bilim jáne ǵylym mınıstrligi Ǵylym komıtetiniń tapsyrysy negizinde «Abaı Qunanbaıulynyń murasy qoǵamdyq-gýmanıtarlyq ǵylymdar aspektisinde» jáne «Qazirgi Qazaqstan jáne Abaı Qunanbaıuly» atty eki keshendi jobany iske asyrǵan.
«Abaı akademııasy» ǵylymı-zertteý ınstıtýtynyń dırektory, ǵalym Jandos Áýbákir jyl ishinde atqarylǵan jumystarǵa toqtalyp ótti.
− Bıyl ınstıtýttyń negizgi qyzmet baǵyttaryn qazaqstandyq qoǵamdy jańǵyrtý basymdyqtarymen qamtý aıasynda «Abaı murasy jáne qazaqstandyq qoǵamnyń mádenı qundylyqtary», «Abaıdyń shyǵarmashylyq murasy jáne qazaq tiliniń ultaralyq qarym-qatynas tili retinde qalyptasý joldary», «Abaı dúnıetanymy jáne qazirgi qoǵamdaǵy dinniń róli», «Abaı shyǵarmashylyǵy jáne qazirgi Qazaqstannyń mádenıetaralyq yntymaqtastyǵy», «Abaıdyń qoǵamdyq-saıası kózqarastary jáne «halyq únine qulaq asatyn memleket» tujyrymdamasy», «Abaı murasy kontekstinde qazaqstandyq patrıotızmdi qalyptastyrý», «Abaı shyǵarmashylyǵy jáne qazaq ádebıetiniń qalyptasýy», «Abaıdyń shyǵarmashylyq murasynyń tarıhı-etnografııalyq konteksti», «Abaı tili jáne qazaq til biliminiń ózekti máseleleri», «Abaıdyń ekonomıkalyq kózqarastary jáne qazaq halqynyń sharýashylyq qurylymy», «Abaı murasy jáne túrki áleminiń órkenıettik negizderi» atty arnaıy serııalarmen 24 ǵylymı-tanymdyq kitap ázirlendi, − dedi.
Sonymen atalǵan arnaıy serııamen E.Sydyqov, J.Dádebaev, Sh.Ibraev, S.Negımov, T.Jurtbaı, T.Shapaı, Q.Mádibaeva, S.Ananeva, J.Aımuhambet, A.Kemelbaı, G.Muratova, A.Doǵalov, Y.Paltóre, B.Qorǵanbekov, M.Alpysbes, Q.Bıbekov, E.Tileshov, S.Qorabaı, A.Keńshilikuly, Q.Battalov, Á.Qaıshataeva, A.Smaǵulova, A.Qalıeva sekildi belgili abaıtanýshylar bastaǵan ǵalymdardyń, zertteýshilerdiń zerdeli eńbekteri oqyrmanǵa jol tartyp otyr. Sondaı-aq «Abaı – álemdik mádenıettiń tulǵasy» sheńberinde alys-jaqyn sheteldegi jáne respýblıkalyq BAQ-ta Abaı murasy qoǵamdyq-gýmanıtarlyq baǵytta jańasha paıymdalǵan tanymdyq maqalalar jarııalanǵan.
Aıta keteıik, bıyl ınstıtýttyń negizgi qyzmeti «Abaı murasy – túrki áleminiń mádenı kapıtaly» atty baǵytymen tolyǵyp, sonyń aıasynda hakim atamyzdyń jalpyadamzattyq máselelerdi kótergen shyǵarmalaryn 23 túrki tiline aýdarý jumystary júzege asyp, aqyn shyǵarmalarynyń túrki tilindegi aýdarmasy «Abaı murasy jáne túrki áleminiń órkenıettik negizderi» atty serııamen eki tomdyq jınaq jaryqqa shyqqan.
