Sábıimniń saýlyǵy úshin vaksına saldyrdym

Men vak­sına­nyń alǵashqy leginde júk­tiligime baılanysty ekpe alma­ǵan bolatynmyn. Osydan da ózim­niń, ómirge keletin sábıimniń saýlyǵyna alańdap júrdim. Elimiz­ge Pfizer vaksınasy jetkende esh oılanbastan saldyram dep baı­lam jasaýymnyń sebebi de osy edi.

Bıyl 23 qarashada aýdan ortalyǵy Shıelige baryp bir top kelinshek vaksına al­dyq. Ekpeden keıin dárigerler baqylaýynda boldyq. Jıi-jıi qyzýymyzdy ólshep, keńesin aıtqan mamandarǵa rızamyz. 9 jeltoqsanda aman-esen bosandym.

Áli de bolsa osy ekpeniń aına­lasynda alypqashpa áńgime kóp. Meniń aıtarym – ekpe sal­dyrý kerek. Indettiń aldyn alý­dyń osydan basqa joly joq.

Sandýǵash MYRZAHANQYZY

Qyzylorda oblysy,

Shıeli aýdany,

Báıgequm aýyly

Ekpe alyp, aman-esen bosandym

Meni 3 jeltoqsanda Kemer aýylyndaǵy ambýlatorııanyń medbıkesi ekpe alýǵa shaqyrdy. Bul kezde júktiliktiń 34-35 aptasynda bolatynmyn. Shaqyrǵan kúni baryp Pfizer ekpesin saldyrdym.

Esh áser etpedi. Úıge kelgende de eshqandaı aýyrsynýdy sezingen joqpyn. Dene qyzýym kóterilgen joq. Úıdiń sharýasyn istep, qalypty jaǵ­daı­da júrdim. Sodan 23-i kúni tol­ǵaq bastalǵan soń tús aýa kólik­pen­ Aqtóbege jetip, oblystyq per­zenthanaǵa tústim. Tolǵaq qalyp­ty bastalyp, birer saǵat­tan keıin óz kúshimmen ul bosandym. Sábıimde de esh ózgeris bolǵan joq. Úsh kúnnen keıin perzenthanadan shyǵardy. Qazir úıdemin, balam tynysh.

Bul – meniń úshinshi sábıim. О́zim Kemer aýylyndaǵy Saral­jyn orta mektebinde psıholog muǵalim bolyp jumys is­teımin. Joldasym da osy mek­tepte muǵalim. Aıaǵy aýyr kelinshekterge berer keńe­sim, dárigerler ekpe alýǵa shaqyr­sa, qashpańyzdar. Qan qysy­myn teksertip, densaýlyq jaǵ­daıy­ńyz qalypty bolsa, ekpe aly­ńyzdar der edim. О́ıtkeni óz den­saýlyǵymyz ben sábı den­saýlyǵy úshin eń birinshi jaýap­ty – ózimiz.

Raýshan QABDYǴALI,

Saraljyn aýyldyq okrýgi Kemer aýylynyń turǵyny

Aqtóbe oblysy,

Oıyl aýdany