Memlekettik departamenttiń málimetinshe, AQSh amerıkalyq sportshylardyń qaýipsizdigin qamtamasyz etý úshin jáne konsýldyq, dıplomatııalyq qyzmet kórsetý úshin Qytaıǵa sheneýnikterin jiberedi. Departament bul qadam Beıjińdegi Qysqy Olımpıada oıyndaryna resmı nemese dıplomatııalyq ókildik jiberý bolyp sanalmaıtynyn aıtty.
«Biz sportshylarymyzdyń, jattyqtyrýshylarymyzdyń, nusqaýshylarymyzdyń jáne qyzmetkerlerimizdiń qaýipsizdigin qamtamasyz etý úshin, konsýldyq jáne dıplomatııalyq qaýipsizdik qyzmetterin usynýǵa nıettimiz. Biraq bul resmı dıplomatııalyq ókildik emes», dedi baspasóz hatshysy.
Derekkózder AQSh-tan baratyn qyzmetkerlerdiń kópshiligi Memlekettik departamenttiń orta jáne tómengi deńgeıdegi sheneýnikteri ekenin jáne olardan keıin taǵy 40 adamǵa ótinishter túsýi múmkin ekenin aıtty.
Baspasóz hatshysynyń aıtýynsha, Vashıngton boıkot týraly pikirin ózgertken joq.
«Osy aıdyń basynda jarııalaǵan ustanymymyz ózgerissiz qalady, Shyńjańda jalǵasyp jatqan genosıd pen adamzatqa qarsy qylmystardy jáne QHR-da basqa da adam quqyqtary buzylǵanyn eskere otyryp, dıplomatııalyq nemese resmı ókildik Olımpıada oıyndaryna qatyspaıdy», delingen habarlamada.
