Pandemııa qaıtalana ma? «Omıkron» tirkelgen elderden 2,9 myń jolaýshy kelgen

Almatydaǵy epıdemııalyq ahýalǵa kelsek, sońǵy 7 kúnde KVI derti ótken aptalarmen salys­tyrǵanda 249 oqıǵadan 223 jaǵ­daıǵa deıin tómendep, táýligine 30-35 adamnan indet tabylyp ja­tyr. Jeltoqsan aıynda Alma­ty­da 1000-1300 adam indetke shal­dy­ǵý múmkindigi boljansa, 22 jeltoq­sanǵa deıin 884 jaǵdaı tirkeldi.

Almatyda KVI dertiniń tó­men­deýine ujymdyq ımmýnıtetti 58,4%-ǵa kóterý aıtarlyqtaı kó­mek­tesken. Qala ákimi Baqytjan Sa­ǵyn­taev: «Almatyny jappaı vak­sı­nalaý qajet. О́ıtkeni qala­lyq san­epıdqyzmettiń taldaý toby maman­darynyń boljamy boıynsha, Almatyda COVID-19 «omıkron» shtamynyń tirkelýi ábden múmkin. Epıdemııanyń kezekti tolqyny 2022 jylǵy qańtardyń ortasynda kúti­lýde, naýryz aıynyń ortasyna qaraı órshýi yqtımal», dedi.

О́ıtkeni 3-20 jeltoqsan ara­lyǵynda Almatyǵa shetelden 49,4 myń jolaýshysy bar 344 reıs qondy. Onyń ishinde PTR anyqta­ma­larymen – 29,7 myń, vaksınalaý pasportymen – 20 myń, «omık­ron» shtamy tirkelgen elder­den 2,9 myń jolaýshy kelgen. Barlyǵy me­dısınalyq baqylaýǵa alynyp, 7 kún boıy oqshaýlan­sa, olar­­dyń arasynda KVI-men ­aýy­ra­tyn 5 naýqas anyqtaldy. Jo­laý­shylardyń 90%-y Germa­nııa, ­My­syr men Ulybrıtanııa­dan ­ke­ledi, al bul elderde indettiń jańa túri tabylǵany aıan.

Almatynyń bas sanıtarlyq dári­geri Jandarbek Bekshın orta merzimdi boljamdy jarııalap, soǵan sáıkes COVID-19 «omıkron»-nusqasy epıdemııasynyń kezekti tol­qyny bolatynyn aıtty. 2022 jyl­dyń qańtar aıynyń ortasynan bastap «omıkron» «delta» nusqasyn birtindep aýystyryp, órshı bastaıtyn kórinedi. Besinshi tolqynnyń shyńy aldaǵy jyldyń naýryz aıynyń ortasynda bolýy múmkin. Sondaı-aq sońǵy aptada 60 jastan asqan egde adamdar arasynda juqtyrǵandardyń úlesi 80%-dy quraıtyny belgili boldy. Infeksııanyń negizgi oryndary – qoǵamdyq kólik (36%), saýda nysandary (34%) jáne otbasylardaǵy baılanystar (25%).

Almaty qalasy bilim basqar­masynyń basshysy Lázzat Jyl­qybaeva: «Bilim berý uıymdaryn­da sanıtarlyq-epıdemıologııalyq q­a-
­ýipsizdikti qamtamasyz etý máse­lesi erekshe baqylaýda. Barlyq balabaqshalar, mektepter men kolledjder Ashyq jobasyna qosylyp, qajetti mólsherde dezınfeksııalyq jáne antıseptıkalyq quraldarmen qamtamasyz etilgen», dedi.

«Balabaqshalar jyl boıy ju­mys isteıtinin eskere otyryp, qys­qy merekeler qarsańynda biz ata-analar arasynda balalardy baqylaý qajettiligi jáne olar­dyń densaýlyq jaǵdaıy týraly túsindirý jumystaryn kúsheı­temiz. Barlyq balabaqshada tańer­teńgi súzgi jumys isteıdi, aýrý jáne JRVI belgileri bar balalar toptarǵa jiberilmeıdi», deıdi L.Jylqybaeva.

Jyl basynan beri Almatydaǵy balabaqshalarda 122 bala COVID-19-ben aýyryp, balalar indet juq­tyrǵany anyqtalǵan toptarda eki aptalyq karantın jarııalandy. Qazir qalada oqýshylardyń
95%-y oflaın (287 955 adam) jáne 5%-y onlaın oqıdy. Kún saıyn qa­­shyqtan oqytý formatynda 15 155 oqýshy bilim alady. Oqý jyly bas­talǵannan beri 3 869 oqýshy koro­navırýspen aýyrdy, olardyń 2 376-y oflaın oqydy. Naýqastar qashyqtan oqytýǵa kóshirildi.

Almatyda qazir 585 700 doza vaksına, onyń ishinde Spýtnık-V – 33 756, QazVac – 50 009, Vero Cell – 223 755 jáne 277 987 – Pfizer vaksınalary bar, úshinshi vaksınany 45 503 almatylyq aldy.

ALMATY