Ekologııa • 30 Jeltoqsan, 2021

Orman sharýashylyǵy salasy kadrǵa zárý - Senator

417 ret kórsetildi

Senator Aqylbek Kúrishbaev óziniń depýtattyq saýalynda orman sharýashylyǵy salasyndaǵy birqatar problemalardy qozǵady, dep habarlaıdy Egemen.kz.

Senator jańa jyl qarsańynda aǵashtardy zańsyz kesý máselesi erekshe ózekti bolyp otyrǵanyn aıtty. Onyń aıtýynsha, jazanyń qatańdaýyna qaramastan, Ekologııa mınıstrliginiń derekteri boıynsha, jyl basynan beri zańsyz 224 aǵash kesý jaǵdaıy anyqtalǵan.

Aqylbek Kúrishbaevtyń pikirinshe, orman sharýashylyqtarynyń materıaldyq-tehnıkalyq bazasynyń álsizdigi, zamanaýı seleksııalyq ortalyqtar men orman tuqymy keshenderiniń jetispeýshiligi, sondaı-aq órtpen kúresý jónindegi zamanaýı aqparat júıesiniń joqtyǵy qalyptasqan jaǵdaıdyń órshýine alyp keldi.

«Búginde bul saladaǵy eń qıyn másele - kadrlarmen qamtamasyz etý. Eger 30 mıllıon gektarǵa jýyq aýmaqta orman qoryn baqylaýdy tek 147 ınspektor júzege asyrsa, orman resýrstarynyń saqtalýy týraly ne aıtýǵa bolady? Olardyń sanyn burynǵydaı keminde eki ese kóbeıtý usynylady. Qazirgi ýaqytta olardyń tehnıkamen qamtamasyz etilýi normatıvtiń 60%-nan aspaıdy. Ormanshylardyń ortasha jalaqysy nebári 70 myń teńgeni quraıdy. Jalpy, orman sharýashylyǵy Qazaqstandaǵy eń tómengi jalaqy alatyn sala bolyp tabylady», dedi depýtat.

Sońǵy jańalyqtar

Elimizdiń úsh oblysynda tuman túsedi

Aýa raıy • Búgin, 18:17

Uqsas jańalyqtar