О́tken jyly 21 qarashada IýNESKO-nyń 41-shi Bas konferensııasynyń arnaıy qararymen 2022-2023 jyldarǵa arnalǵan halyqaralyq mereıtoılar tizimi qabyldanyp, oǵan Qazaqstannyń usynysymen el qaıratkeri, ult ustazy Ahmet Baıtursynulynyń 150 jyldyǵy men ánshi Roza Baǵlanovanyń 100 jyldyǵy endi.
Aıtýly kúndi atap ótý barysynda elimizdiń oqý oryndarynda ǵylymı-praktıkalyq konferensııalar, oqýlar jáne basqa da is-sharalar keńinen uıymdastyrylady.
TÚRKSOI uıymy músheleriniń qatysýymen halyqaralyq Túrkologııalyq kongress ótkizý josparlanǵan. Alash qaıratkeriniń shyǵarmashylyǵy boıynsha bilim berý oryndarynda ashyq sabaqtar, taqyryptyq konkýrstar ótkiziledi.
Sonymen qatar, Ahmet Baıtursynulynyń tańdamaly eńbekterin orys, aǵylshyn jáne túrik tilderine aýdarý, ǵylymı eńbekteriniń tolyq jınaǵynyń 12 tomdyǵyn baspadan shyǵaryp, ǵylymı aınalymǵa engizý boıynsha zertteý jumystary júrgiziledi.
Memlekettik komıssııa Ahmet Baıtursynulynyń 150 jyldyq mereıtoıyna daıyndyqty pysyqtap shyqty.
