Qarapaıym halyqtyń talap-tilegi oryndaldy, gaz baǵasy tómendep, janar-jaǵarmaı retteldi. Úkimet otstavkaǵa ketti, quramynda da ózgerister bolady.
Prezıdent kúrdeli reformalardy bastaıtynyn aıtyp jatyr. Qordalanǵan áleýmettik-ekonomıkalyq, saıası máseleler kezeń-kezeńimen sheshiletini anyq.
О́kinishke qaraı, elimizdiń birqatar aımaqtarynda radıkaldy toptar tártip buzyp, qala ınfraqurylymyna, shaǵyn jáne orta bızneske zalal keltirdi, sonymen qatar azamattardyń ómiri men densaýlyǵyna qaýip-qater tóndirip jatyr. Halyq arasynda teris úndeýler júrgizilýde. Bul jaǵdaılardyń ushyqpaýy úshin quqyq qorǵaý organdary tıisti sharalar jasap, aldyn alýda. Qazir polısııa jáne basqa da zań saqshylary kúsheıtilgen rejımde jumys isteýde.
Prezıdent óziniń halyqqa jasaǵan Úndeýinde qazaqstandyqtardy ishten jáne syrttan bolǵan jalǵan aqparatqa senbeýdi, tártipsizdikterge ermeýdi, parasat pen aqylmen ǵana sheshim qabyldaýǵa shyqyryp otyr. Sonymen qatar, jastarǵa jarqyn bolashaqtaryna balta shappaýyn, jaqyndary men týystarynyń jaǵdaıyn oılaý kerektigin basa aıtýda.
Meniń barlyq sanaly azamatqa aıtarym, arǵy arnalardan kele jatqan ata-babalarymyzdyń eldik pen erlik saltqa adal bolǵanymyz jón. Jastardyń arandap qalýynyń aldyn alýǵa úles qosaıyq.
Raqymjan TURYSBEK,
EUÝ-dyń professory
