Qazaqstan Prezıdenti elimizdegi konstıtýsııalyq tártip pen zańdylyqty qaıta qalpyna keltirýge kómektesý maqsatymen UQShU birikken bitimgerlik kúshterin jiberý týraly máseleni sheshýge qoldaý kórsetkeni úshin Reseı basshysyna rızashylyǵyn bildirdi.
Qasym-Jomart Toqaev Vladımır Pýtınge elimizdegi ahýaldyń turaqtalyp kele jatqanyn jetkizdi. Sonymen qatar lańkestik shabýyldardyń oshaǵy áli de saqtalyp otyr. Sondyqtan terrorızmge qarsy kúres tegeýrindi túrde jalǵasa beretinin aıtty.
Memleket basshysy jaqyn kúnderi UQShU sammıtin onlaın formatta ótkizýdi usyndy. Kezdesý merzimi dıplomatııalyq kanaldar arqyly kelisiledi.
