«Memleket basshysynyń keıingi sheshimderi men úndeýleri boıynsha blogosferada ártúrli sıpattaǵy túsindirmeler jarııalanýda. Osyǵan baılanysty mynadaı málimdeme jasaý kerek dep sanaımyn: Qasym-Jomart Toqaev - memleketimizdegi eń joǵary laýazymdy tulǵa jáne Qaýipsizdik Keńesiniń Tóraǵasy. Sondyqtan Memleket basshysy derbes sheshim qabyldaıdy. Konstıtýsııalyq qurylymǵa nuqsan keltirýdi kózdegen sodyrlardyń Qazaqstanǵa shabýyl jasaǵan qaıǵyly kúnderi de osylaı bolǵan. Qasym-Jomart Kemeluly otandastarymyzǵa arnalǵan óziniń úndeýlerin keńesshilerdiń kómeginsiz ádettegideı ózi jazdy», dep túsindirdi Berik Ýálı.
