Almatyda júrgizilgen tekserý jumystarynyń qorytyndysy qalanyń jol-kólik ınfraqurylymy qanshalyqty zardap shekkenin kórsetti. Beıbit ereýilshiler toǵysqan «Almaty Arena» aýmaǵynda jáne Nazarbaev pen Dostyq dańǵyldary, Sátbaev kóshesiniń boıynda, Respýblıka alańynda tas tósenishteri buzylǵan 2 myńnan astam oryn anyqtaldy.
Dúısenbiden bastap kóshelerdi jóndeýge 80 jumysshy, 30 arnaıy tehnıka shyǵaryldy. Sondaı-aq 120-dan astam jol belgileri zaqymdalǵany anyqtaldy. Búginde olardyń 80-i qalpyna keltirildi. Sonymen qatar qalada baǵdarsham nysandaryn qalpyna keltirý jumystary bastaldy. Buǵan deıin habarlanǵandaı, qalada 40-tan astam baǵdarsham zaqymdalǵan. Olardyń 15-i 9 qańtarda qalpyna keltirilse, 10 qańtarda 7 baǵdarsham nysanyna kúrdeli jóndeý júrgizý josparlandy. Qalanyń kóshe-jol jelisin qalpyna keltirý jáne tekserý jumystary jalǵasyp jatyr.
ALMATY
