Koronavırýs • 12 Qańtar, 2022

Almatyda indet qaıta órshidi

83 ret kórsetildi

Seısenbi kúni Almaty bıligi qalanyń tynys-tirshiligin qalpyna keltirý isi boıynsha apparattyq keńes ótkizgen kezde, megapolıste koronavırýs dertiniń eki ese óskeni týraly jáne «Omıkron» shtamynyń jyldam taralýy ábden múmkin ekendigin málimdedi. Sondyqtan qalalyq qoǵamdyq densaýlyq saqtaý basqarmasyna aýrýhanalardaǵy tósek-oryndardyń sanyn kóbeıtýde qamsyz otyrmaýǵa tapsyrma berildi.

Tarıhı tragedııadan esin jııa almaı otyrǵan qala turǵyndary ózderin saqtap, koronavırýs indetin aýyzdyqtaý úshin – vaksınalaý men býsterlik ekpe alýǵa barlyq múmkindik bar ma? Naqty derekterge sáıkes Almatydaǵy epıdemııalyq jaǵdaı nasharlaı túsken. Qala ákiminiń orynbasary Erjan Babaqumarov habarlaǵandaı, shahar «sary aımaqqa» aýysty. Halyqtyń apta ishinde indetke qaıta dýshar bolýy 2 esege artty. Boljam boıyn­sha, megapolıste indettiń taǵy bir tolqyny bastalyp, jalǵasyp jatyr desek te bolady. Sonymen qatar qala ákiminiń orynbasary ja­ńa­jyldyq merekeler men naq­ty oqıǵalarǵa baılanys­ty turǵyndar koronavırýsqa testileýden 8-10 ese az ótkenin atap ótti. Onyń paıymdaýynsha, testileý kólemi ulǵaıǵan kezde indet juqtyrǵandar sany da artyp, bul epıdemııalyq ahýaldyń nasharlaýy men qalanyń «qyzyl aımaqqa» kóshýine ákeledi.

E.Babaqumarov Almatyda koronavırýs derti byltyr jel­toqsan aıynyń sońynda óse bastaǵanyn eske saldy. Sol kezdiń ózinde epıdemıologtar muny «Omıkron» shtamynyń tara­lýynyń bastalýymen baıla­nystyrǵan bolatyn.

Apparattyq keńes bary­synda atap ótilgendeı, 6 qań­tarda tolyq genomdyq sekvenır­leý nátıjeleri alynyp, Den­saýlyq saqtaý mınıstrligine jibe­rilgen 96 úlginiń 8 synama­synan «Omıkron» shtammy tabyldy, onyń ishinde 7 synama Almatydan jetkizildi.

Koronavırýstyń «delta» shtamy áli de belsendi aınalymda. Ol synamalardyń 71%-da, delta-plıýs – 16%-da, basqa shtamdarda 4,7%-da anyqtaldy.

Almatyda indettiń «omıkron» túrin 20-39 jas­qa deıingiler arasynda juqtyr­ǵan­dardyń úles salmaǵy 16,4%-ǵa (27,7%-dan 44,1%-ǵa deıin), sondaı-aq 15-19 jastaǵylar arasynda 1,1%-ǵa (4,2%-dan 5,3%-ǵa deıin) kúrt óskenin kór­­setetin jas qura­myna júr­gizilgen taldaý rastaıdy. Qal­ǵan kontıngentter bo­ıyn­sha, naqty aıtqanda 60 jáne odan joǵary jastaǵy adamdar arasynda – 8,6%-ǵa, 40-tan 59 jasqa deıingi adamdar arasynda – 2,5%-ǵa, 14 jasqa deıingi balalar arasynda – 4,7%-ǵa jáne 1 jasqa deıingi balalar arasynda 0,3%-ǵa tómendegeni anyqtalǵan.

Sonymen qatar sımptomsyz formalardyń ótken jyldyń jel­toqsan aıynda 6%-dan 16%-ǵa deıin óskeni baıqaldy, bul «Omı­kronǵa» da tán jáne naýqas­tardy ýaqtyly anyqtaý men oqshaýlaýdy qıyndatýy múmkin.

E.Babaqumarovtyń aıtýynsha, «Omıkron» shtamy óte tez juǵady, sondaı-aq jas urpaq úshin qaýip-qater tóndiredi. Ol vaksınalaý koronavırýstan qorǵaýdyń eń senimdi ádisi bolyp qala beretinin eske saldy. Qala ákiminiń orynbasary almatylyqtardy «Omı­kronnyń» taralýyn tómendetýdi jáne vaksı­nalaýǵa kómektesýge sha­qyr­dy jáne qalada halyqty koronavırýsqa qarsy ımmýndaý jalǵasyp jatqanyn aıtty. Búgingi tańda birinshi komponentpen 1 077 896 adam, eki komponentpen – 1 028 180 qala turǵyny egildi. Revaksınalaý 69 018 adamǵa júrgizildi.

Álemniń jetekshi ǵalymdary men sarapshylarynyń derekteri boıynsha, qoldanystaǵy vaksınalarmen revaksınalaý «Omı­kron» shtamymen juq­tyrý kezinde asqynǵan jáne ólim jaǵdaılaryn emdeýge jatqyzýdan 70%-ǵa qor­ǵaı­dy. Almatyda ujymdyq ım­mý­nıtettiń deńgeıi áli de tó­men, ımmýndyq qabat bar bol­ǵany 59,4%-dy quraıdy (vak­sı­nalanǵandar – 49,4%, aýyryp jazylǵan adamdar – 10%).

 

ALMATY

Sońǵy jańalyqtar

Almatynyń 199 turǵyny koronavırýs juqtyrǵan

Koronavırýs • Búgin, 16:43

Úkimette KQK-daǵy jaǵdaı talqylandy

Úkimet • Búgin, 14:40

Nur-Sultan «sary» aımaqqa ótýi múmkin

Koronavırýs • Búgin, 14:10

OPEK-tiń bas hatshysy kóz jumdy

Álem • Búgin, 13:59

6 shildege arnalǵan aýa raıy boljamy

Aýa raıy • Búgin, 09:43

Shabyt shaqyratyn shahar

Elorda • Búgin, 08:23

Aqjaınaq astana

Elorda • Búgin, 08:22

Ozyq óndiris ornynda boldy

Aımaqtar • Búgin, 08:20

Ult saýlyǵyn ulyqtaǵan megapolıs

Elorda • Búgin, 08:18

Baǵdaryń qalaı, bas qala?

Elorda • Búgin, 08:17

«Astana Operamen» dos bolaıyq

Teatr • Búgin, 08:15

Dımash pen Djekson

О́ner • Búgin, 08:10

Utqanymyz shamaly bolyp tur

Qoǵam • Búgin, 08:05

Irikteýdiń ekinshi kezeńine ótti

Sport • Búgin, 08:02

Egizder festıvali

Qoǵam • Búgin, 08:00

Elordanyń damý dańǵyly

Elorda • Keshe

Uqsas jańalyqtar