Qostanaı oblysynyń komendatýrasynda JKO faktisi boıynsha Meńdiqara aýdanynda ákimshilik óndiris bastalǵany habarlandy.
«2022 jylǵy 11 qańtarda saǵat 19.10 shamasynda Qostanaı-Mamlıýtka avtojolynyń 60 shaqyrymynda «VOLVO-12» markaly aýyr júk kóliginiń 45 jastaǵy júrgizýshisi blokpostqa jaqyndap, tejeý júıesiniń tehnıkalyq aqaýy saldarynan joldyń jıeginde turǵan «JAC S-3» markaly qyzmettik avtokólikpen, sondaı-aq blokpostta turǵan «Lada-granta» kóligimen soqtyǵysqan. Jol-kólik oqıǵasynyń nátıjesinde zardap shekkender joq», delingen komendatýra habarlamasynda.
Atalǵan fakt boıynsha aýyr júk kóliginiń júrgizýshisine qatysty QR ÁQBtK-niń 610-babynyń 1-bóligi «Kólik quraldary júrgizýshileriniń jol júrisi qaǵıdalaryn adamdardyń densaýlyǵyna zııan keltirýge, kólik quraldarynyń nemese ózge de múliktiń búlinýine ákep soqqan buzýshylyǵy» boıynsha ákimshilik hattama toltyryldy.
Qostanaı oblysynyń komendatýrasynda JKO tejeý júıesiniń aqaýlyǵynyń sebebimen baılanysty ekenin atap ótti.
