Qala kúzetindegi akademııa ofıserleri qurmetke laıyq

El tynyshtyǵy buzylyp, ereýil­shilerdiń is-qımyldary shekten shyǵyp, qaladaǵy jaǵdaıdy baqy­laýda ustaý qıyndaı bastaǵan kez. Qala turǵyndary úshin qaýip kúsheıe bastady. Dál osyndaı kezeńde elimiz­de Qazaqstan Respýblıkasynyń Pre­zı­denti Qasym-Jomart Kemeluly To­qaevtyń Jarlyǵymen tótenshe jaǵdaı jarııalaǵan sátten bastap, akademııa bastyǵy retinde jedel jaǵdaıda shtab quryp, keńes ótkizdim.

Sosyn birden áreketke kiri­sip ket­tik. Sondaı-aq ishki ister organ­da­­ry­­nyń quqyqtyq qurylym­dary da qalany sodyrlardan azat etý qı­myl­da­ryna kóshti. Mınıstrliktiń rezervtegi kúshteri – akademııa basshy­lyǵynyń sheshimimen qurylǵan 111 adamnan turatyn arnaıy jasaq, onyń ishinde turaqty quramdaǵy 72, aýys­paly quramdaǵy 39 ofıseri men (№2 fakýltet tyńdaýshylary) Ishki ister mınıstri, polısııa general-leıtenanty Erlan Turǵymbaevtyń buıryǵymen qalanyń qaýipsizdigin qamtamasyz etý úshin birden shuǵyl qımyldarǵa kiristi.

Qaladaǵy mańyzdy nysandarǵa búlikshiler men destrýktıvti kúshter tarapynan shabýyl údeı bastady. Ereýilshiler qaladaǵy quqyq qorǵaý qurylymdarynyń ǵımarattaryna shabýyldap, mańyzdy nysandar órt­ke oranǵan, beıbit turǵyndardyń ómiri­ne qaýip kúsheıgen sátte bar kúsh-jiger­lerin salyp, anttaryna adal boldy.

Mınıstrliktiń rezervtegi kúsh­te­ri sanalatyn arnaıy jasaq akade­mııa ofıserleri men №2 fakýl­tet tyńdaýshylary Polısııa de­p­arta­men­tiniń garnızony, Ulttyq ulan sarbazdarymen birge Baı­tursynuly kóshesi men Bógenbaı batyr, Tóle bı kósheleriniń qıylysynda oryn alǵan ereýilshilerdiń shabýylyn toqtatýǵa áreket etti. Túrli qarý asynǵan, granata, soıyl, taspen qarýlanǵan ereýilshiler polısııa jasaǵyn qorshap, ydyratýdy kózdeı otyryp, avtokólikterge, mekemeler men ǵımarattarǵa shabýylyn kúsheıtti. Tútinge oranǵan kóshelerdegi tártipsizdikti buǵattaý men ereýilshilerge tosqaýyl jasaý qanshalyqty qıynǵa soqsa da akademııa ofıserleri ózge de qarýlastary, qarýly kúsh sarbazdarymen birge qııan-keski soǵystyń bel ortasynan tabyldy. Osy kezde jasaq sapynda polısııa polkovnıgi Oleg Soı taıaý mańda jarylǵan granatadan jaraqat alyp, betine tıgen jaryqshaqqa qaramastan, áskerı mindetin jal­ǵastyra berdi. Ereýilshiler akademııa avtokóligine tas jaýdyra bastady. Júrgizýshi Serik Ashrahanov pen Múslim Kojanov­tardyń shuǵyl áreketteriniń arqasynda áıneginiń synǵany bolmasa, akademııa kólikteri qaýipsiz aýmaqqa áketildi.

Jasaqtyń kúshtik qurylymyn saq­taı otyryp, ereýilshilerdi toqta­tý maqsatynda polısııa polkovnıgi Aıdos Eskendirov pen otrıadtyń bi­raz sarbazy Bógenbaı batyr jáne Masan­shy, Qarasaı batyr kóshesiniń aýmaǵyn baqylaýǵa aldy. Osy baǵyt­pen qozǵa­lyp kele jatqanda, jasaq sapynan adasyp qalǵan Ulttyq ulan­nyń mer­zim­di qyzmetiniń «Ońtús­tik» О́ńirlik qolbasshylyǵy № 6654 áskerı bólimshesiniń áskerı qyz­met­shi­leri N.Altynbekov jáne E.Al­dashevty kezdestirip, olardyń qaýipsizdigin qam­tamasyz etti. Qurama jasaq koman­dı­ri, polısııa polkovnıgi Serik Kenen­baevtyń tapsyrmasymen eki sarbaz kúzetke alynyp, olardyń aman-esendigi jaıyndaǵy aqparat áskerı bóliminiń basshylyǵyna baıandaldy. Keıinnen jaǵdaı turaqtalǵan soń ata-analaryna balalarynyń amandyǵy habarlanyp, áskerı bólimshege jetkizildi.

Osyndaı qaýyrt kezeńde mı­nıs­tr­diń tapsyrmasymen Almaty qala­­­­­s­y­­­nyń shtabynan jedel nus­qaý tús­ti. Sol mezette akademııa bas­shy­­sy re­tinde dereý tapsyrma berip, polısııa polkovnıgi Serik Kenen­baev­tyń bas­qa­rýymen akademııa qyz­met­ker­le­ri men №2 fakýltettiń tyńdaý­shylarynan jasaqtalǵan qu­rama jasaq mınıstrliktiń rezerv­tegi áskerleri qoǵamdyq tártipti qamtamasyz etý maq­sa­tynda Qarasaı batyr men Masan­shy kósheleriniń qıylysynda orna­las­qan Almaty qala­lyq polısııa depar­tamentine qosym­sha kúsh retinde kómek­ke keldi. Bul asqan erlik pen jedel áreketterdiń nátıjesinde bolyp jatty.

Bul kúnderi akademııanyń qurama jasaǵy úshin Almaty qalasy polısııa departamentine jasalǵan shabýyldy quryqtaý ońaıǵa soqqan joq. Táýlik boıy Almaty qalasy polısııa departamenti qyzmetkerlerimen birge departamentti basyp alý maqsatynda shabýyl jasaǵan búlikshilerdiń áre­ketine qarsy toıtarys berildi.

Departamenttiń ishki aýlasyn, qyz­mettik avtokólikterdi, taýarlyq-materıaldyq qundylyqtardy qorǵaý, qorǵaýshy kúshterge qarý-jaraqtardy jasaqtaý jáne jetkizýmen qatar sha­býyldardy, arandatýlardy jáne basqa da qoǵam qaýipsizdigine qarsy ba­r­lyq is-qımyldardy baqylaýǵa al­dyq. Osylaısha, jeke quram qaýip­sizdik­ti saqtaı otyryp, jeke bastary­na tóngen qaýipke qaramastan, bir­ne­­she ret búlikshiler tarapynan Polı­sııa departamenti qaqpasyn buzyp ótý áreketterine qarsy turdy.

Akademııa qurama jasaq ofıserleri erliktiń, birliktiń arqasynda tótenshe jaǵdaıǵa daıyn ári óz mindetterin qaltqysyz oryndaýǵa ázir ekenderin kórsetti. Osy kúnderde oryn alǵan tótenshe jaǵdaı kezinde IIM Almaty akademııasynyń qyzmetkerleri men №2 fakýltet tyńdaýshylary naqty is-qımyldarǵa baryp, eren erliktiń úlgisin kórsete bildi.

Sondaı-aq ózderińizge belgili UQK Shekara akademııasy men áskerı klınıkalyq gospıtalǵa sodyrlar shabýyl jasaǵan kezde sonyń janyndaǵy Almaty akademııasynyń Nazarbaev, 262 dańǵylyndaǵy №2 aýmaǵyna da shabýyl jasaldy. Alaıda ol aýmaqqa polısııa polkovnıgi Talǵat Berkınbaev bastaǵan akademııa jasaǵy tótep berip, qarsy turdy. Bul óz qyzmetine adal, antyna berik bolǵan joǵary kásibılikti, ári batyrlyqty tanytqan erjúrek azamattardyń isi.

Jedel qyzmettik tapsyrmalardy qaltqysyz oryndap, qoǵamdyq tártip pen qaýipsizdikti qamtamasyz etýde IIM Almaty akademııasynyń qurama jasaǵy tolyq quramda, arnaıy jabdyqtar men qyzmettik kóliktiń qaýipsizdigin jaýapkershilikterine ala otyryp, akademııa aýmaǵyna aman-esen oraldy.

Ofıserler úshin tynymsyz tún­der men kúnder áli aıaqtalǵan joq. Kazar­ma­lyq rejimde áli de qaraýyl­dap, jasaq­pen el qaýipsizdigi úshin qyzmetti jalǵas­tyrýda. Sodyrlar tarapynan bolýy múmkin shabýyldar qaýpi áli seıil­meı tur. Destrýktıvti áreketterdiń al­­dyn alyp, memleket múlkin talan-ta­r­aj­ǵa salý men qıratýǵa jol bermeý maq­sa­tynda akademııa ofıserleri kúzet qı­myl­­daryn kúsheıtip, beriktik tanytýda.

Osyndaı qıyn-qystaý kezeńde el bolashaǵy úshin jaýapkershiliktiń aýyr júgi Memleket basshysynyń moınynda. Al dál qazir ár azamat­tyń, ár otbasynyń, tutas qoǵam qaýip­sizdiginiń jalǵyz kepili – el Prezıdenti Qasym-Jomart Toqaev­tyń saıasatyn akademııanyń jeke qu­ra­my búgingi jaǵdaıda tolyq qoldaı­dy. 

Aıdar SAITBEKOV,

IIM M.Esbolatov atyndaǵy

Almaty  akademııasynyń bastyǵy,

polısııa polkovnıgi

ALMATY