Bul másele Bilim jáne ǵylym mınıstrliginiń ótinishi boıynsha koronavırýstyq ınfeksııanyń paıda bolýy men taralýyna jol bermeý jónindegi vedomstvoaralyq komıssııanyń otyrysynda qaraldy. Nátıjesinde VAK stıpendıattardy DDU maquldaǵan vaksınamen vaksınalaýǵa ruqsat berdi.
Osyndaı sheshimniń arqasynda «Bolashaq» stıpendııasynyń ıegerleri DDU maquldaǵan vaksınalardy alǵan kezde ǵana kirýge ruqsat etilgen elderge kedergisiz bara alady.
Esterińizge sala keteıik, 2021 jyldyń 8 qarashasynan bastap AQSh-qa DDU maquldaǵan vaksınalar alǵan adamdarǵa ǵana kirýge ruqsat etiledi. Bul tizimge Pfizer-BioNTech, Moderna, Johnson&Johnson, AstraZeneca, Covishield, BIBP/Sinopharm, Sinovac vaksınalary kiredi. Uqsas erejeler Avstralııaǵa jáne birqatar basqa elderge kirý úshin de qoldanylady.
«Avstralııaǵa, Kanadaǵa, Jańa Zelandııaǵa, AQSh-qa jáne Japonııaǵa oqýǵa nemese taǵylymdamadan ótýge baratyn «Bolashaq» stıpendıattarynyń oqýlaryna kedergi keltirmeý úshin BǴM DSM-ge DDU maquldaǵan vaksınany berý múmkindigin qaraý týraly hat joldady. Atalǵan elderdiń aýmaǵyna kirý úshin DDU maquldaǵan preparattardyń eki dozasymen tolyq vaksınasııalaý qajet ekenin atap ótken jón. VAK bizdiń usynysymyzdy qoldady. Nátıjesinde BIBP/Sinopharm vaksınasyn alýǵa ruqsat berildi», dedi QR Bilim jáne ǵylym vıse-mınıstri Qýanysh Erǵalıev.
