QR Bas memlekettik sanıtarlyq dárigeriniń qaýlysyna sáıkes «Komırnatı» (Pfizer) vaksınasyn qoldana otyryp, koronavırýstyń aýyr kórinisteriniń damý qaýpi joǵary medısına qyzmetkerlerin, 60 jáne odan joǵary jastaǵy adamdardy KVI-ǵa qarsy revaksınasııalaýǵa ruqsat etilgen.
Elordalyq emhanalarda azamattardyń osy sanatyn amerıkalyq ekpemen qaıta vaksınasııalaýǵa kiristi. Alaıda, revaksınasııa vaksınasııaǵa qarsy kórsetilimderi joq adamdarǵa ǵana ruqsat etiledi. Pfizer tek medısınalyq mekemelerde qoljetimdi, ony saýda ortalyqtaryndaǵy vaksınasııa pýnkterinen alý múmkin emes.
Esterińizge sala keteıik, qala boıynsha azamattardy vaksınasııalaý jáne revaksınasııalaý úshin 31 egý pýnkti ashyldy: 26-sy – medısınalyq uıymdarda, 4-eýi – saýda ortalyqtarynda jáne «Nurly jol» temirjol vokzalynda.
Búgingi kúni qala boıynsha 25 800-den astam adam qaıta vaksınasııalandy.
Elordada epıdemıologııalyq jaǵdaıdyń nasharlaýyna baılanysty dárigerler aýrýdyń aýyr aǵymyn nemese ólimdi boldyrmaý úshin azamattarǵa KVI-ge qarsy ekpeni múmkindiginshe tezirek alýǵa shaqyrady.
