Sodan beri 102 nomerine Taraz qalasy men aýdandardan tolassyz qońyraý túsip jatqan kórinedi. Bir táýlikte tártip saqshylary 40-tan asa qarý men oq-dári qabyldaǵan. Arasynda anonımdi aqparat berýmen shekteletinderi de bar. Máselen, qońyraý shalǵan qala turǵyny qarýdyń jatqan jerin ǵana aıtqan. Mekenjaıǵa shuǵyl jetken quzyrly mekeme ókilderi úsh Kalashnıkov avtomaty men granatomet tapqan. Qazir qaýipti zattar saraptamaǵa jiberilgen.
- Qarýdyń, oq-dárilerdiń, arnaıy quraldardyń orny týraly habarlaǵan nemese ony erikti túrde polısııaǵa tapsyrǵan azamattar qylmystyq jáne ákimshilik jaýapqa tartylmaıdy. Qupııalylyqqa kepil beriledi, - dedi oblys komendanty Baqyt Rataev.
