Árbir azamattyń ótinishi Prezıdent nazarynda

Osy maqsattardy júzege asyrý úshin birigip, azamattyq ustanymdy kórsetý kerek. Halyq sheneýnikterden reformalardan góri, naqty áreketti talap etetin ýaqyt keldi.

Qyrkúıek aıynda «azamattyq qoǵammen jáne sarapshylarmen keń jáne syndarly dıalogtan» keıin reformanyń úlken jobasy usynylatyn bolady, ázirge transformasııanyń baǵyttary belgilýde.

Sonymen, úkimetke eki aıdyń ishinde halyqtyń tabysyn arttyrý baǵdarlamasyn qabyldaý tapsyryldy. Jańa mınıstrler kabıneti Qazaqstannyń Damý bankiniń jumysyn qaıta qurylymdap, onyń qarajatyn shaǵyn jáne orta bıznesti qoldaýǵa baǵyttap, kedendik shekarada ásirese birinshi kezekte Qytaımen aradaǵy kedendik tártipti ornatý kerek. Qytaıdyń keden organdarymen aradaǵy  statıstıkada sáıkessizdikter bar. Toqaevtyń aıtýynsha, sáıkessizdik mıllıardtaǵan dollarǵa jetedi.

Túrli baǵalaýlar boıynsha bizdiń ekonomıkadaǵy kvazımemlekettik sektordyń úlesi 60 paıyzdan asady. Esesine elde memlekettik-monopolııalyq kapıtalızm etek alýda. Kvazımemlekettik kásiporyndar básekelestiktiń basty jaýy. Sonymen qatar, memlekettik kompanııalardyń top-menedjerlerinen kiris pen múlik týraly esep berýge mindetti emes. Osyǵan oraı, kóptegen kásiporyndar paıda tappasa da, jyl sońynda basshylyqqa syıaqy tóleý týraly sheshimder turaqty túrde qabyldanady. Elbasy «Samuryq-Qazyna» qorynyń jumysynyń tıimdiligi týraly basa aıtty. Atap aıtqanda, úkimetke qor men ózge de ulttyq kompanııalardyń satyp alý tártibin qaıta qaraýdy tapsyrdy. Úkimet bir aıdyń ishinde ekonomıkanyń básekege qabiletti sektorlary boıynsha jobalar pýlyn daıyndap, «Samuryq-Qazynany» reformalaý boıynsha naqty usynystar ázirleýi tıis.

Sonymen qatar, biz «Samuryq-Qazyna» qorynyń negizinde bıznestiń áleýmettik jaýapkershiligin kóre alamyz. Men áleýmettik jaýapty bıznes túsinigi kóp jaǵdaıda óte sýbektıvti túrde qabyldanatynyn túsinemin. О́ıtkeni, zańdy jaýapkershilikke qaraǵanda, áleýmettik jaýapkershilik qatań normalardy bildirmeıdi. Qoǵamdy qoldaý – bıznesmenderdiń erikti mindeti. Basqasha aıtqanda, bul bıznes, tutynýshy jáne úkimet arasyndaǵy áleýmettik kelisimsharttyń bir túri. Onyń maqsaty búkil qoǵamnyń ıgiligine yqpal etý. «Qazaqstan halqyna» atty áleýmettik qoryn  «Samuryq-Qazyna» ǵana emes, elimizdiń basqa da iri kompanııalary qarjylaı qoldaý kórsetetin bolady.

Qoǵamda sırek kezdesetin aýrýlarǵa shaldyqqan balalardy emdeýge máselesi jıi kóteriledi. Osyndaı kómekke zárý balalarǵa qarajat jınaýǵa qazaqstandyqtardyń basym bóligi qatysqan da bolar. Densaýlyq saqtaý mınıstrliginiń málimetinshe, elimizde 13 myńnan astam adam sırek kezdesetin aýrýlarmen aýyrady jáne erekshe qoldaý men emge zárý. Osy oraıda aıta ketý kerek,  mundaı naýqastardyń emi ádette qymbatqa túsedi. Prezıdenttiń  «Qazaqstan halqyna» atty qoǵamdyq áleýmettik qoryn qurýdy tapsyrǵany qýanyshty jáıt. Osy qordyń kómegimen naýqas balalardyń emin  de qarjylandyrý kózdeledi. Sonymen qatar, qor densaýlyq saqtaý, bilim berý, áleýmettik qoldaý salalaryndaǵy naqty máselelermen aınalysatyn bolady.

Qazaqstandyqtar kóp jyldar boıy «О́KM operatory» JShS jumysyna shaǵymdanyp keledi. Adamdar tipti О́KM operatorlaryna qarsy qoǵamdyq qozǵalys qurdy. Turǵyndardyń oıynsha, qaldyqtardy kádege jaratý úshin nelikten jeke uıymǵa aqsha tóleýimiz kerek. Bul olardyń ashýyn týdyrdy. Onyń ústine kompanııanyń ókilettigi tek qana artta tústi. Mysaly, 2016 jyly О́KM operatorynyń qyzmet quzyryna avtokólikterde kire bastady.  Al 2019 jyly aýylsharýashylyq tehnıkasyna О́KM qyzmetin kózdeıtin buıryq kúshine endi.

Keıbir adamdardyń ózgerister men jańalyqtarǵa qarsy shyǵatyny anyq, sol sebepti depýtattyq korpýsqa erekshe jaýapkershilik júkteledi. Memlekettik baǵdarlamalar men Memleket basshysynyń tapsyrmalarynyń tıimdi oryndalýyna baqylaýdy kúsheıtý kerek. Máslıhat depýtattary arqyly almatylyqtar memlekettik isterdi basqarýǵa belsene aralasa alady ári bolyp jatqan ózgeristerdi baqylaı alady. Adamnyń múddesin qozǵaıtyn birde-bir másele onyń nemese onyń saılanǵan ókiliniń qatysýynsyz sheshilmeýi kerek.

Qorytyndylaı kele, tótenshe jaǵdaı kezinde zardap shekken azamattarǵa kómek uıymdastyrǵan máslıhat depýtattyq korpýsyna alǵysymdy bildirgim keledi. Atap aıtqanda: soǵys qımyldary kezinde zardap shekkenderge qan tapsyrý, soǵys ardagerlerimen birge áleýmettik nysandardy qorǵaýǵa jasaqtar tartyldy. Depýtattar eriktilermen birge megapolısimizdegi 10 aýrýhana  men muqtaj azamattarǵa 21 tonna kóleminde azyq-túlik jetkizýdi uıymdastyrdy.

Jańa Qazaqstan – adamnyń quqyqtary men bostandyqtary qorǵalatyn, ózin jáne otbasyn laıyqty ómir súrý deńgeıimen qamtamasyz ete alatyn erkin el.

Kankýrov Stanıslav Vladımırovıch

Almaty qalalyq máslıhatynyń hatshysy