Aımaqtar • 17 Qańtar, 2022

Shyǵys Qazaqstanda qar kóshkini boldy

247 ret kórsetildi

Shyǵys Qazaqstan oblysynyń Katon-Qaraǵaı aýdanyndaǵy Sogornoe-Barlyq tas jolynyń eki ýchaskesinde qar kóshkini oryn aldy, dep habarlaıdy Egemen.kz ShQO TJD baspasóz qyzmetine silteme jasap.

Katonqaraǵaı aýdanynda «Sogornoe-Barlyq» avtojolynyń 11-shi shaqyrymynda aýa temperatýrasynyń kóterilýi men jeldiń qatty ekpinine baılanysty kólemi 30 tekshe metr, al ekinshi ýchaskeniń 14-shi shaqyrymynda kólemi 150 tekshe metr qar kóshkini tústi.

«Oqıǵa oryndaryna jergilikti atqarýshy organdardyń tehnıkasy dereý tartyldy. Qar kóshkini aýdannyń tynys-tirshiligine áser etken joq, qaza bolǵandar men zardap shekkender joq», dep habarlady TJD.

Jýyrda «Qazseldenqorǵaý» jáne ShQO TJD mamandary 2022 jyldyń 17 qańtaryna deıin aımaqtaǵy kóshkin qaýpi týraly habarlady. Mamandar kóshkin qaýpi bar oshaqtardan ótý kezinde turǵyndarǵa asa muqııat bolý kerektigin aıtty.

Aıta ketsek, oblys aýmaǵynda kóshkin qaýpi bar 497 oshaq bar, olardyń 336-sy qurylystarǵa, avtojoldarǵa jáne adamdardyń ómirine qaýip tóndiredi.

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar