Aımaqtar • 17 Qańtar, 2022

Almatydaǵy tártipsizdik: Shyǵyn 112 mlrd teńgeden asty

55 ret kórsetildi

Almatydaǵy tártipsizdikterden keıingi shyǵyn 112 mıllıard teńgeden asady dep eseptelip otyr. Bul týraly Almatynyń tynys-tirshiligin qalpyna keltirý jónindegi qalalyq shtab otyrysynda qala ákiminiń orynbasary Ilııas О́serov málimdedi, dep habarlaıdy Egemen.kz.


«Almatyda tártipsizdikter kezinde kelgen shyǵyndy esepteý jumystary júrip jatyr. Aldyn ala esep boıynsha shyǵyn kólemin 112,6 mıllıard teńgeni qurady. Onyń ishinde bıznes oryndaryna kelgen shyǵyn – 67 mıllıard teńge. Qazir shaǵyn jáne orta bızneske – 42 mıllıard teńge, iri bızneske kelgen shyǵyn 25 mıllıard teńge dep baǵalanyp otyr. Derekterdi qaıta tekserý jumystary jalǵasyp jatyr», dedi О́serov.

Sondaı-aq:

  • azyq-túlik satpaıtyn dúkender – 20,9 mıllıard teńge;
  • azyq-túlik dúkender – 5,7 mıllıard teńge;
  • qarý-jaraq dúkender – 6,4 mıllıard teńge;
  • lombardtar – 2,9 mıllıard teńge;
  • qoǵamdyq tamaqtaný oryndary – 1,8 mıllıard teńge;
  • qarjy uıymdary (bank, bankomattar) – 702 mıllıon teńge.

Ákim orynbasarynyń aıtýynsha, ákimshilik ǵımarattarǵa kelgen shyǵyn 22,6 mıllıard teńgeni qurady. Onyń ishinde:

  • ákimdik ǵımaraty – 20 mıllıard teńge;
  • prokýratýra ǵımaraty – 2 mıllıard teńge;
  • polısııa departamenti jáne polısııa bólimi ǵımaraty – 205 mıllıon teńge;
  • ekobeketter – 163 mıllıon teńge;
  • medısına mekemeleri – 2 mıllıon teńge.

«Materıaldyq-tehnıkalyq shyǵyn 16,7 mıllıard teńgeni quraıdy. Polısııa departamentiniń jabdyqtary men qarý-jaraǵyna kóp shyǵyn kelgen (16 mıllıard teńge). «Sergek» júıesi boıynsha shyǵyn aldyn ala 250 mıllıon teńge dep eseptelip otyr. Memlekettik jáne jekemenshik kólikterdiń shyǵyny – 1,9 mıllıard teńge. Zardap shekken qyzmetkerlerge beriletin ótemaqy 617,5 mıllıon», dedi ákim orynbasary.

Aıtýynsha, Almaty boıynsha tártipsizdik kezinde eń kóp shyǵyn Almaly aýdanyna (20,5 mıllıard teńge) kelgen. Odan keıin Áýezov (20,1 mıllıard teńge), Bostandyq (17,3 mıllıard teńge) aýdany tur. Eń az shyǵyn kelgen aýdan – Naýryzbaı aýdany.



 

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar