«Pfizer preparaty 18 jasqa deıingi jasóspirimderdi, júkti áıelderdi (júktiliktiń 16-30 aptasy) jáne balasy eki jasqa tolǵan emizetin analardy vaksınalaý úshin qoldanylady. Revaksınasııa úshin ol medısına qyzmetkerleri men 60 jastan asqan adamdar úshin qoldanylady», – deıdi qalalyq alǵashqy medısınalyq-sanıtarlyq kómek ortalyǵynyń dırektory Tatıana Bashırova.
Eki táýlik ishinde vaksınasııa ortalyǵynda 60-tan astam zeınetker úshinshi ret vaksına aldy.
QR Densaýlyq saqtaý mınıstrligi búgingi kúni óńirlerde vaksınasııalaý úshin «Spýtnık V», QazVac, Vero Cell (Sinopharm), Pfizer (balalar, júkti jáne bala emizetin áıelder úshin) qoljetimdi ekenin habarlaıdy. Revaksınasııa úshin - QazVac, Vero Cell (Sinopharm), Pfizer (60 jastan asqan adamdarǵa), sondaı-aq qańtar aıynyń sońynda «Spýtnık Laıt» vaksınasy.
