Qazaqstan • 17 Qańtar, 2022

Senatorlar Palata otyrysynyń kún tártibin bekitti

83 ret kórsetildi

Senat Spıkeri Máýlen Áshimbaevtyń tóraǵalyǵymen Palata Bıýrosynyń otyrysy ótti. Onda 2022 jylǵy 20 qańtarda ótetin Senat otyrysynyń kún tártibi bekitildi, dep habarlaıdy Egemen.kz.

Aldaǵy Palata otyrysynda depýtattar Memleket basshysynyń Jarlyǵymen senator bolyp taǵaıyndalǵan Beıbit Isabaevty Senattyń turaqty komıtetiniń quramyna saılaý máselesin qaraıdy.

Sonymen qatar Senat otyrysynda «Zattar men materıaldardyń quramy men qasıetteriniń standartty úlgilerin jasaý jáne qoldaný jónindegi yntymaqtastyq týraly kelisimdi ratıfıkasııalaý týraly» zań jobasy qaralady.

Bul kelisim saýda-ekonomıkalyq, ǵylymı-tehnıkalyq jáne yntymaqtastyqtyń ózge de salalaryndaǵy tehnıkalyq kedergilerdi joıýdy, sondaı-aq zattar men materıaldardyń standartty úlgilerine memlekettiń qajettiligin qamtamasyz etýdi kózdeıdi.

Sondaı-aq Bıýro otyrysy kezinde Májilisten kelip túsken «Qazaqstan Respýblıkasynyń halyqaralyq sharttary týraly» Qazaqstan Respýblıkasynyń Zańyna ózgerister men tolyqtyrýlar engizý týraly» jáne «Qazaqstan Respýblıkasynyń Úkimeti men Amerıka Qurama Shtattarynyń Úkimeti arasyndaǵy halyqaralyq salyq tártibin jetildirý týraly kelisimdi ratıfıkasııalaý týraly» zań jobalary jumys úshin tıisti Komıtetterge bólinip berildi.

Sońǵy jańalyqtar

Uqsas jańalyqtar