Qazaqstan • 18 Qańtar, 2022

Qazaqstanda Indýstrııalandyrý kartasy aıasynda 144 joba iske qosyldy

58 ret kórsetildi

Qazaqstanda 2021 jyly Indýstrııalandyrý kartasy aıasynda jalpy quny 1,3 trln. teńgeni quraıtyn 144 joba júzege asyryldy. О́ndiris oshaqtarynda 12,9 myń turaqty jumys orny quryldy, dep habarlaıdy Egemen.kz  QR Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.

 

- tamaq ónerkásibi – 41 joba;

- qurylys ındýstrııasy – 26 joba;

- mashına jasaý – 18 joba;

- metallýrgııa – 16 joba;

- hımııa ónerkásibi – 10 joba;

- jeńil ónerkásip – 8 joba;

- aǵash óńdeý – 3 joba;

- munaı óńdeý – 3 joba;

- farmasevtıka – 1 joba;

- energetıka – 12 joba;

- basqa salalar – 6 joba.

Jobalardyń basym bóligi Shyǵys Qazaqstan oblysy, Qaraǵandy oblysy, Jambyl oblysy, sondaı-aq Shymkent, Nur-Sultan jáne Almaty qalalarynda ornalasqan.

Iske qosylǵan jobalardyń ishinde mynadaı iri jobalardy atap ótýge bolady.

1. Qaraǵandy oblysyndaǵy "Jáırem KBK" AQ baıytý fabrıkasynyń qurylysy jáne jumys istep turǵan óndiristi jańǵyrtý. Zamanaýı polımetall baıytý fabrıkasynyń qýattylyǵy jylyna 5 mln tonnaǵa jýyq kendi óńdeýge múmkindik beredi.

Munda eń zamanaýı tehnologııalar qoldanylady. Bul jańa karer, sıfrlandyrýdyń joǵary dárejesi bar tolyq avtomattandyrylǵan fabrıka jáne ınnovasııalyq jabdyqtar. 400-ge jýyq qosymsha jumys orny ashyldy. KBK Qazaqstandaǵy myrysh jáne qorǵasyn konsentrattarynyń eń iri óndirýshisi bolady dep kútilýde.

2. «KAZ Minerals Aktogay» JShS qoldanystaǵy sýlfıdti fabrıkany qaıtalaý arqyly Aqtoǵaı KBK-niń qaıta óńdeý qýatyn keńeıtý.

Aqtoǵaı KBK qaıta óńdeý qýatyn keńeıtý jobasy 2017 jyly "KAZ Minerals" kompanııalar tobynyń ındýstrıaldy-ınnovasııalyq damý memlekettik baǵdarlamasyn júzege asyrý aıasynda bastaldy. Kombınattyń ekinshi kezegin iske qosý ken óńdeýdi jylyna 25 mln tonnadan 50 mln tonnaǵa deıin arttyrýǵa múmkindik beredi. 

2022 jyldan bastap ken ornynda 190 myń tonna mys, onyń ishinde 20 myń tonna katodty mys óndiriledi dep josparlanýda. Kásiporynda aldyńǵy qatarly tehnologııalar, atap aıtsaq, jasandy ıntellekt negizindegi baǵdarlamalar belsendi qoldanylady.

 3. «Qaz Carbon» JShS (Qaz Karbon) Qaraǵandy oblysynda aglomerasııalyq fabrıkasy bar Saryarqa ferroqorytpa zaýytyn salý.

 

Kásiporynnyń ereksheligi munda suranysqa ıe ónimdi qysqa merzimde shyǵarýǵa beıimdelgen jabdyqtar bar. Avtomattandyrý, jańa tehnologııalar adam faktoryn barynsha azaıtýǵa múmkindik berdi. Barlyq peshter óndiristi basqarý ortalyǵynan basqarylady, operatorlar beınekameralar arqyly tehnologııalyq prosesti baqylaıdy.

 

О́nimniń 8 túri bar, olar Nippon Steel, Marubeni Corporation, "ArselorMıttal" (Lıýksembýrg) jáne t.b. sııaqty sheteldik alyptardyń suranysyna ıe. Eksport geografııasy Japonııa, Reseı, Eýropa elderi men TMD-ny qamtıdy.

4. «Petropavl elektr tehnıkalyq zaýyty» JShS transformatorlar óndirisi. Zaýyt 6, 10, 35 kV kerneý klasyndaǵy taratý transformatorlary men joǵary voltty uıashyqtar shyǵarady. Zaýyttyń óndiristik qýaty jylyna 13 000 birlik ónimdi quraıdy. Shyǵarylatyn ónimniń 98% - dan astamyn TMD elderine eksporttaý josparlanýda.

 5. «QazTehna» JShS Saran qalasyndaǵy Yutong jolaýshylar avtobýstaryn óndirý. Kásiporynnyń jalpy óndiristik qýaty Yutong brendiniń 1200 birlik jolaýshylar avtobýsy men elektr avtobýstaryn, sondaı-aq karerlik, qurylys jáne jol tehnıkasynyń 500 birligin quraıdy.

 

Kompanııa satyp alǵan barlyq jabdyqtar strategııalyq seriktes — Zhengzhou Yutong Group Co., Ltd. kompanııasymen arnaıy ázirlengen jáne jınaqtalǵan. Qoldanylatyn jabdyq jetkilikti ıkemdilikke ıe jáne QazTehna qyzmetkerlerine bir buıymdy daıyndaýdan ekinshi buıymǵa jyldam qaıta baptaýǵa, sondaı-aq tapsyrys berýshige az mólsherde qajetti bólshekterdiń keń assortımentin óndirýge múmkindik beredi.

 

О́ndiriletin ónimniń negizgi tutynýshylary Qazaqstannyń kóliktik, taý-ken óndirýshi jáne ónerkásiptik kompanııalary bolyp tabylady. Bolashaqta taıaý shet elderdiń naryǵyna shyǵý qarastyrylýda.

 

  1. Qyzylorda oblysynda "Orda Glass" JShS tabaq shyny óndiretin zaýyt tehnıkalyq iske qosyldy. Qýaty jylyna 197 100 tonna tabaq shyny óndirý jáne óńdeý jónindegi shyny zaýyty Qyzylorda qalasynyń Indýstrııalyq aımaǵynda ornalasqan. Shyny kúndelikti ómirdiń kóptegen salalarynda joǵary suranysqa ıe. Otandyq shyny turǵyn úı jáne kommersııalyq jyljymaıtyn múlik qurylysynda, mashına jasaýda, eıhaz jáne ınterer zattaryn óndirýde qyzmetter men taýarlardyń ózindik qunyn edáýir tómendetedi.
Sońǵy jańalyqtar

Uqsas jańalyqtar