Ekonomıka • 18 Qańtar, 2022

«Báıterek» holdıngi memleketke 100 mln teńgege jýyq zııan keltirgen

76 ret kórsetildi

Bul týraly Esep komıtetiniń baspasóz qyzmeti málimdedi. 2020 jylǵy naýryzda Respýblıkalyq bıýdjettiń atqarylýyn baqylaý jónindegi esep komıteti respýblıkalyq bıýdjet qarajatyn jáne «Báıterek» ulttyq basqarýshy holdıngi» AQ-nyń kvazımemlekettik sektor aktıvterin paıdalaný tıimdiligine memlekettik aýdıt júrgizdi, dep jazady Egemen.kz.

«Osy aýdıtorlyq is-shara barysynda jalpy somasy 98 961,2 mln teńgege bıýdjet qarajatyn jáne memleket aktıvterin tıimsiz paıdalaný túrindegi buzýshylyqtar men kemshilikter, sondaı-aq kvazımemlekettik sektordyń jekelegen sýbektilerimen salystyrǵanda holdıngtiń enshiles uıymdarynyń fýnksııalary men mindetteriniń qaıtalanýy anyqtaldy. Osyǵan baılanysty, Qazaqstan Respýblıkasynyń Úkimetine usynys jasaldy», delingen habarlamada.

Onda: 

- Holdıng qyzmetiniń tıimdiligin arttyrý, memlekettik múlik sııaqty Holdıng aktıvterin pármendi basqarýdy uıymdastyrý, bólinetin bıýdjet qarajatyn jáne Qazaqstan Respýblıkasynyń Ulttyq qory qarajatyn paıdalanýdy baqylaý, olardy paıdalaný boıynsha sharalardy ázirleý jáne júzege asyrý, memlekettik menshik quqyǵyn qorǵaýdy qamtamasyz etý boıynsha sharalardy qabyldaý; 

- «Kazakhstan Project Preparation Fund» JShS, «Qazaqstannyń ınvestısııalyq qory» AQ, Qarjy mınıstrliginiń janyndaǵy «Problemalyq kredıtter qory» AQ, Indýstrııa jáne ınfraqurylymdyq damý mınıstrliginiń janyndaǵy «QazIndustry» qazaqstandyq ındýstrııa jáne eksport ortalyǵy» AQ enshiles uıymdary fýnksııalarynyń qaıtalanýyn boldyrmaý maqsatynda jalpyulttyq jospardyń 29-tarmaǵy boıynsha taldaýdy eskere otyryp, Holdıng kompanııalary tobynyń transformasııasyn júrgizýdiń oryndylyǵy máselesin qaraý usynyldy. 

Esep komıtetiniń usynymdaryn oryndaý úshin 2021 jylǵy qarashada eldegi jaǵdaı men ishki jáne syrtqy saıasattyń negizgi baǵyttary týraly Memleket basshysynyń joldaýlaryn iske asyrýǵa, memlekettik josparlaý júıesiniń qujattaryna engizilgen ózgeristerge baǵdarlanǵan Holdıngtiń 2014 – 2023 jyldarǵa arnalǵan damý strategııasy qaraldy.

Holdıngtiń enshiles uıymdarynyń sanyn qysqartý maqsatynda «QazTech Ventures» AQ jáne «Kazakhstan Project Preparation Fund» JShS aktıvteri  jeke qorlar retinde «Qazyna Kapıtal Menedjment» AQ-na basqarýǵa berildi.

«Memlekettik múlik tizilimi» saıty arqyly baǵany kóterý tásilimen ótkizilgen elektrondyq saýda qorytyndylary boıynsha «QIQ» AQ aksııalarynyń júz paıyzyn jeke ınvestor satyp aldy.

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar